പബ്ലിക് റിലേഷൻസ് ഓഫീസർ അകാൻ അവസരം

കണ്ണൂർ സർവ്വകലാശാലയിൽ പബ്ലിക് റിലേഷൻസ് ഓഫീസർ തസ്തികയിൽ നിയമനം നടത്തുന്നു. കരാർ അടിസ്ഥാനത്തിൽ ആയിരിക്കും നിയമനം. സെപ്റ്റംബർ 12ന് രാവിലെ 10.30 ന് താവക്കര ക്യാമ്പസ്സിൽ വെച്ച് ആണ് വാക് ഇൻ ഇൻറർവ്യൂ നടക്കുന്നത്.

വിദ്യാഭ്യാസ യോഗ്യത

1. ജേർണലിസം/മാസ്സ് കമ്മ്യൂണിക്കേഷൻ എന്നിവയിലെ ബിരുദാനന്തര ബിരുദം അഥവാ ഏതെങ്കിലും വിഷയത്തിൽ ബിരുദാനന്തര ബിരുദവും ജേർണലിസം / മാസ്സ് കമ്മ്യൂണിക്കേഷൻ /പബ്ലിക് റിലേഷൻസിൽ ഡിപ്ലോമയും .
2. സർക്കാർ അംഗീകാരം /രജിസ്‌ട്രേഷൻ ഉള്ള സ്ഥാപനങ്ങളിൽ നിന്നും മാധ്യമ രംഗത്തെ 3 വർഷത്തെ പരിചയം അഥവാ സർക്കാർ / അർദ്ധ സർക്കാർ സ്വയംഭരണ സ്ഥാപനങ്ങളിൽ പി . ആർ പ്രൊഫഷണലായുള്ള 3 വർഷത്തെ പ്രവൃത്തി പരിചയം.

അപേക്ഷകരുടെ പ്രായം 45 വയസ്സിൽ കവിയാൻ പാടില്ല, പ്രതിമാസ വേതനം 40,000/- രൂപ. ഇന്റർവ്യൂവിന് ഹാജരാകുന്നവർ വിദ്യാഭ്യാസ യോഗ്യത, പ്രവർത്തി പരിചയം,വയസ്സ് എന്നിവ തെളിയിക്കുന്നതിനുള്ള എല്ലാ അസ്സൽ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും സഹിതം 12.09.2025 ന് രാവിലെ 9 മണിക്ക് കണ്ണൂർ സർവ്വകലാശാല താവക്കര ക്യാമ്പസ്സിൽ എത്തിച്ചേരേണ്ടതാണ്.