കെ ഡിസ്കിൽ പ്രോ​ഗ്രാം എക്സിക്യൂട്ടീവ് തലത്തിൽ വിവിധ ഒഴിവുകൾ, ഫെബ്രുവരി 18 വരെ സി എം ഡി വഴി അപേക്ഷിക്കാം

കേരള ഡെവലപ്മെ​ന്റ് ആൻഡ് ഇന്നൊവേറ്റീവ് സ്ട്രാറ്റജിക് കൗൺസി ( കെ ഡിസ്ക്)ൽ പ്രോ​ഗ്രാം എക്സീക്യൂട്ടീവ് തലത്തിലുള്ള ഒഴിവുകൾ നികത്തുന്നതിന് സെ​​ന്റർ ഫോർ മാനേജ്മെ​ന്റ് ഡെവലപ്മെ​ന്റ് ( സി എം ഡി) വഴി അപേക്ഷ ക്ഷണിച്ചു. സീനിയ‍ർ പ്രോ​ഗ്രാം എക്സിക്യൂട്ടീവ്, പ്രോ​ഗ്രാം എക്സിക്യൂട്ടീവ് എന്നീ തസ്തികകളുമായി ബന്ധപ്പെട്ടാണ് ഒഴിവുകൾ റിപ്പോ‍ർട്ട് ചെയ്തിട്ടുള്ളത്.

കെ - ഡിസ്കി​ന്റെ പ്രോ​ഗ്രാം മാനേജ്മെ​ന്റ് യൂണിറ്റിലാണ് ഒഴിവുകളുള്ളത്. യോ​ഗ്യതയും താൽപ്പര്യവുമുള്ള ഉ​ദ്യോ​ഗാ‍ർത്ഥികൾ സി എം ഡി മുഖേന ഓൺലൈനായി അപേക്ഷ സമ‍ർപ്പിക്കണം. സി എം ഡിയുടെ പേറോളിൽ കരാറിടിസ്ഥാനത്തിലായിരിക്കും നിയമനം. ഫെബ്രുവരി 18 വരെ അപേക്ഷ സമ‍ർപ്പിക്കാം

തസ്തികയും പ്രധാന വിവരങ്ങളും

1 സീനിയ‍ർ പ്രോ​ഗ്രാം എക്സിക്യൂട്ടീവ് - സെ​ന്റർ ഫോർ എക്സലൻസ് - ഹെഡ്

യോ​ഗ്യത- ഫസ്റ്റ് ക്ലാസോടെ ബിരുദാനന്തര ബിരുദം അല്ലെങ്കിൽ ബിടെക്കോ തത്തുല്യമാ എൻജിനീയറിങ് ബിരുദമോ

പ്രായപരിധി - 35 വയസ്സ്

ശമ്പളം- 40,000 രൂപ മുതൽ - 50,000 രൂപവരെ സമാഹൃതം

പ്രോ​ഗ്രാം എക്സിക്യൂട്ടീവ് - ഇന്നൊവേഷൻ അനലിസ്റ്റ്

യോ​ഗ്യത- ഡിസൈൻ, എൻജിനീയറിങ്, സോഷ്യൽ സയൻസ് തുടങ്ങി ബന്ധപ്പെട്ട വിഷയങ്ങളിൽ ബിരുദം

പ്രായപരിധി - 35 വയസ്സ്

ശമ്പളം - 30,000 രൂപമുതൽ 35,000 രൂപവരെ പ്രതിമാസം സമാഹൃതം

പ്രോ​ഗ്രാം എക്സിക്യൂട്ടീവ് റിലേഷൻഷിപ്പ് ​ഗ്രോത്ത് മാനേജ‍ർ

യോ​ഗ്യത- ഏതെങ്കിലും വിഷയത്തിൽ ബിരുദം

പ്രായപരിധി 35 വയസ്സ്

ശമ്പളം- 30,000 രൂപമുതൽ 35,00 രൂപ വരെ പ്രതിമാസം സമാഹൃതം

മറ്റ് പ്രധാന വിവരങ്ങൾ

അപേക്ഷയുടെ വിജ്ഞാപനം ഇവിടെ വായിക്കാം.

അപേക്ഷ സമ‍ർപ്പിക്കാനുള്ള അവസാന തീയതി: ഫെബ്രുവരി 18 വൈകുന്നേരം അഞ്ച് മണിവരെ

ഓൺലൈൻ അപേക്ഷ സമ‍ർപ്പിക്കാനുള്ള വിലാസം: kdiscrecruitment2026@gmail.com

നിയമകാലാവധിയും രീതിയും :ആറ് മാസത്തേക്ക് കരാ‍ർ അടിസ്ഥാനത്തിലായിരിക്കും നിയമനം

ഒഴിവുകളുടെ എണ്ണം; നിലവിൽ ഓരോ തസ്തികയിലും ഓരോ ഒഴിവുകൾ വീതം