പോസ്റ്റ് ഗ്രാജുവേറ്റ് ഡെന്റൽ (MDS) കോഴ്സുകളിലേക്കുള്ള ഒന്നാംഘട്ട കേന്ദ്രീകൃത അലോട്ട്മെന്റിനായി ഓപ്ഷൻ രജിസ്ട്രേഷൻ ആരംഭിച്ചു. ഇന്ന് (ഓഗസ്റ്റ് 22) മുതൽ ഓഗസ്റ്റ് 30 രാത്രി 11.59 വരെ ഓൺലൈനായി ഓപ്ഷനുകൾ രജിസ്റ്റർ ചെയ്യാം. www.cee.kerala.gov.in വെബ്സൈറ്റിലൂടെയാണ് അപേക്ഷകൾ സമർപ്പിക്കേണ്ടത്.
അപേക്ഷകർ www.cee.kerala.gov.in വെബ്സൈറ്റിലെ PG Dental 2026-Candidate Portal വഴി Application Number, Password എന്നിവ ഉപയോഗിച്ച് ലോഗിൻ ചെയ്ത് ‘Option Registration’ തിരഞ്ഞെടുക്കണം. ഓപ്ഷൻ രജിസ്റ്റർ ചെയ്യുമ്പോൾ 10,000 രൂപ സെക്യൂരിറ്റി ഡെപ്പോസിറ്റ്/ഓപ്ഷൻ രജിസ്ട്രേഷൻ ഫീസ് അടയ്ക്കണം. SC/ST/OEC വിഭാഗങ്ങൾക്കും ഫീസ് ഇളവിന് അർഹരായ മറ്റ് വിഭാഗങ്ങൾക്കും 5,000 രൂപ മതിയാകും.
അലോട്ട്മെന്റ് ലഭിക്കാത്തവർക്ക് കൗൺസലിംഗ് നടപടികൾ പൂർത്തിയായ ശേഷം തുക തിരികെ ലഭിക്കും. അലോട്ട്മെന്റ് ലഭിക്കുന്നവർക്ക് രജിസ്ട്രേഷൻ ഫീസ് കോഴ്സ് ഫീസിൽ ക്രമീകരിക്കും.
ഓൺലൈനായി രജിസ്റ്റർ ചെയ്യുന്ന ഓപ്ഷനുകൾ മാത്രമേ അലോട്ട്മെന്റിന് പരിഗണിക്കൂ. തപാൽ, ഫാക്സ്, ഇ-മെയിൽ എന്നിവ വഴി അയയ്ക്കുന്ന ഓപ്ഷനുകൾ പരിഗണിക്കില്ല. രണ്ടാംഘട്ട കൗൺസലിംഗിൽ പുതിയ ഓപ്ഷൻ രജിസ്റ്റർ ചെയ്യാൻ സാധിക്കില്ല. നിലവിലുള്ള ഓപ്ഷനുകൾ സ്ഥിരീകരിക്കാനും നീക്കം ചെയ്യാനും പുനഃക്രമീകരിക്കാനും മാത്രമാണ് അവസരം. മൂന്നാം/അവസാന ഘട്ടത്തിൽ വീണ്ടും പുതിയ ഓപ്ഷൻ രജിസ്ട്രേഷൻ അനുവദിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
