മൂന്ന് മുതൽ എട്ട് വയസ്സ് വരെ പ്രായമുള്ള കുട്ടികളുടെ പഠനത്തെയും വ്യക്തത്വ വികാസത്തെയും സഹായിക്കുന്നതിനായി നാഷണൽ കൗൺസിൽ ഓഫ് എഡ്യൂക്കേഷണൽ റിസർച്ച് ആൻഡ് ട്രെയിനിങ് (എൻസിഇആർടി- NCERT) നിർമിത ബുദ്ധി അധിഷ്ഠിതമായ (എഐ) ഇ-മാജിക് ബോക്സ് ആപ്ലിക്കേഷൻ പുറത്തിറക്കി.
കുട്ടികൾക്കായി മാത്രമല്ല, വീട്ടിലും ക്ലാസ് മുറികളിലും ആദ്യകാല പഠനത്തിന് കുട്ടികളെ സഹായിക്കുന്നതിന് മാതാപിതാക്കൾക്കും അധ്യാപകർക്കും കൂടി വേണ്ടിയാണ് ഈ ആപ്പ് രൂപകൽപ്പന ചെയ്തിട്ടുള്ളതെന്ന് എൻസിഇആർടി പറഞ്ഞു.
വിദ്യാഭ്യാസ പൊതുവിഭവമെന്ന നിലയിൽ സൗജന്യമായി ഈ ആപ്പ് ഉപയോഗിക്കാം. ഇത് ആദ്യകാലത്തെ അക്ഷര പഠനം , ആശയവിനിമയം, സർഗ്ഗാത്മകത, പെരുമാറ്റം, അടിസ്ഥാന പഠന കഴിവുകൾ എന്നിവയെ പിന്തുണയ്ക്കുന്നു.
ഇന്റലിജന്റ് ഡിജിറ്റൽ സംവിധാനത്തിലൂടെ സംവേദനാത്മക സഹായത്തോടൊപ്പം വിദ്യാഭ്യാസ ഉള്ളടക്കവും ഈ ആപ്ലിക്കേഷൻ നൽകുന്നു.
പാഠപുസ്തകങ്ങളെ മാത്രം ആശ്രയിക്കുന്നതിനുപകരം കുട്ടിയുടെ പഠനത്തിൽ സജീവമായി പങ്കെടുക്കാൻ ഈ പ്ലാറ്റ്ഫോം മുതിർന്നവരെ പ്രോത്സാഹിപ്പിക്കുന്നു, സംഭാഷണാധിഷ്ഠിതവും പ്രവർത്തനാധിഷ്ഠിതവുമായ പഠനം പ്രോത്സാഹിപ്പിക്കുന്നതിന് സഹായകമാകുമെന്നും എൻസിഇആർ ടി പറഞ്ഞു.
കഥകൾ, പാട്ടുകൾ, പ്രവർത്തനങ്ങൾ, സംവേദനാത്മക മാർഗ്ഗനിർദ്ദേശം എന്നിവ സംയോജിപ്പിക്കുന്ന ഒരു ഡിജിറ്റൽ പ്രാഥമിക പഠന സംവിധാനമാണ് ഇ മാജിക് ബോക്സ് ആപ്പ്. ചോദ്യങ്ങൾക്ക് തൽക്ഷണം പ്രതികരിക്കുന്ന നിർമിത ബുദ്ധിയിൽ പ്രവർത്തിക്കുന്ന ബോട്ടുകൾ ഇതിനെ പിന്തുണയ്ക്കുന്നു.
കുട്ടികൾക്കും രക്ഷിതാക്കൾക്കും അധ്യാപകർക്കും ഒരുപോലെ ഉപയോഗിക്കാവുന്ന തരത്തിലാണ് ഈ പ്ലാറ്റ്ഫോം രൂപകൽപ്പന ചെയ്തിരിക്കുന്നത്.
കുട്ടികൾ കഥകളും കളിയായ പ്രവർത്തനങ്ങളും നൽകുന്നു. കുട്ടികളായ പഠിതാക്കളെ വളർത്തുന്നതിനും പഠിപ്പിക്കുന്നതിനുമുള്ള മാർഗ്ഗനിർദ്ദേശം മാതാപിതാക്കൾക്ക് ലഭിക്കുന്നു, അധ്യാപകർക്ക് ക്ലാസിൽ ആവശ്യമായ സഹായം ലഭിക്കുന്നു.
കഥാ സഖി, ഭാവനാത്മകമായ കഥകളും സൃഷ്ടിപരമായ ഇടപെടലുകളും കൊണ്ട് കുട്ടികളുടെ ജിജ്ഞാസ ഉണർത്തുന്നതിനെ സഹായിക്കുന്നു.
പാരന്റ് താര, രക്ഷാകർതൃ ചോദ്യങ്ങൾക്ക് ഉത്തരം നൽകുകയും കുട്ടികളുടെ വികാസം എങ്ങനെ മുന്നോട്ട് കൊണ്ടുപോകാമെന്ന് കുട്ടികളെ പരിചരിക്കുന്നവരെ സഹായിക്കുകയും ചെയ്യും. .
പഠനം അർത്ഥപൂർണ്ണമാക്കുന്നതിന് ക്ലാസ് മുറിയിലെ ആശയവിനിമയ രീതികൾ നിർദ്ദേശിച്ചുകൊണ്ട് താര അധ്യാപകരെ സഹായിക്കും. .
നേരിട്ട് ചോദ്യങ്ങൾ ടൈപ്പ് ചെയ്യാനും എഐ നൽകുന്ന മറുപടികൾ ഉടനടി സ്വീകരിക്കാനും കഴിയും.
അക്സസബിലിറ്റി വർദ്ധിപ്പിക്കുന്നതിനായി, മൊബൈൽ ആപ്ലിക്കേഷനിലൂടെ മാത്രമല്ല, ആപ്പ് ഇൻസ്റ്റാൾ ചെയ്യാൻ ആഗ്രഹിക്കാത്തവർക്ക് വാട്ട്സ്ആപ്പ്, ടെലിഗ്രാം എന്നിവയിലൂടെയും സേവനം ലഭ്യമാണ്.
സ്മാർട്ട്ഫോണുകൾ ഇല്ലാതെ പോലും കുടുംബങ്ങൾക്ക് "സ്റ്റോറി ഓഫ് ദ് ഡേ", "സോങ് ഓഫ് ദ് ഡേ", "ക്വസ്റ്റ്യൻ ഓഫ് ദ് ഡേ" തുടങ്ങിയ സവിശേഷതകൾ ലഭിക്കുന്നതിന് 1800-212-0173 അല്ലെങ്കിൽ 15108 എന്ന ടോൾ ഫ്രീ ഐവിആർഎസ് നമ്പറുകൾ ഉപയോഗിക്കാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
