ഭിന്നശേഷിക്കാർക്ക് തൊഴിൽ പരിശീലനം നേടാം

കേന്ദ്ര സർക്കാരിന്റെ തൊഴിൽ വകുപ്പിനു കീഴിൽ തിരുവനന്തപുരം ആസ്ഥാനമായി പ്രവർത്തിക്കുന്ന സ്ഥാപനത്തിൽ ഭിന്നശേഷിക്കാർക്ക് വിവിധ കോഴ്സുകളിൽ പരിശീലനം നൽകുന്നു. ഭിന്നശേഷിക്കാർക്ക് തൊഴിൽ സാധ്യതകൾ വർധിപ്പിക്കുന്നതിനായാണ് ഈ പരിശീലന പരിപാടികൾ സംഘടിപ്പിക്കുന്നത്.

നാലാഞ്ചിറയിൽ ഉള്ള 'നാഷണൽ കരിയർ സർവീസ് സെന്റർ ഫോർ ഡിഫറെന്റലി ഏബിൾഡ്' എന്ന സ്ഥാപനം വഴിയാണ് പരിശീലനം നൽകുന്നത്.

ഇലക്ട്രോണിക് മെക്കാനിക്ക്, പ്രിന്റിംഗ് & ഡി.റ്റി.പി, ഫോട്ടോഗ്രഫി & വീഡിയോ എഡിറ്റിംഗ്, ഓട്ടോമൊബൈൽ റിപ്പയറിംഗ്, വെൽഡിംഗ് & ഫിറ്റിംഗ്, തയ്യൽ & എംബ്രോയ്‌ഡറി, കമ്പ്യൂട്ടർ ആപ്ലിക്കേഷൻ & സ്റ്റെനോഗ്രാഫി തുടങ്ങിയ വിവിധ കോഴ്സുകൾ ലഭ്യമാണ്. കുറഞ്ഞത് 40 ശതമാനം വൈകല്യമുള്ള, വിദ്യാഭ്യാസമുള്ളവർക്കും ഇല്ലാത്തവർക്കും കോഴ്സുകളിൽ പ്രവേശനം നൽകും.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

കൂടാതെ ശ്രവണ വൈകല്യമുള്ള കുട്ടികൾക്ക് ടൈപ്പ് റൈറ്റിംഗ് (KGTE) ലോവർ/ഹയർ പരീക്ഷയ്ക്ക് പ്രത്യേക പരിശീലനവും നൽകും. കൂടുതൽ വിവരങ്ങൾക്ക് 0471 2530371, 8590516669 എന്നീ നമ്പറുകളിൽ ബന്ധപ്പെടാം.