ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പൈസസിൽ പി എച്ച് ഡി നേടാം

ഇന്ത്യന്‍ കാർഷിക ഗവേഷണ കൗൺസിലിന് കീഴിലെ (ഇന്ത്യൻ കൗൺസിൽ ഓഫ് അഗ്രിക്കൾച്ചറൽ റിസർച്ച് -ഐസിഎആർ) സ്ഥാപനമായ കോഴിക്കോട് ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പൈസസ് റിസർച്ചി (ഐഐഎസ്ആർ) ൽ ​ഗവേഷണ ബിരുദത്തിന് ( പി എച്ച് ഡി) അപേക്ഷ ക്ഷണിച്ചു.

കാലിക്കറ്റ് സർവകലാശാലയുടെ പിഎച്ച്ഡി ബിരുദത്തിനാണ് ചേരാൻ കഴിയുക.

വിഷയങ്ങളും സീറ്റും

ബോട്ടണി, ബയോടെക്‌നോളജി, ബയോകെമിസ്ട്രി, കെമിസ്ട്രി എന്നീ നാല് വിഭാഗങ്ങളിലായി ആകെ 11 ഒഴിവുകളാണുള്ളത്. ബോട്ടണിയിൽ ആറ്, ബയോകെമിസ്ട്രിയിൽ മൂന്ന് ബയോടെക്നോളജി, കെമിസ്ട്രി എന്നീ വിഭാ​ഗങ്ങളിൽ ഓരോ സീറ്റുമാണ് ഉള്ളത്.

പൊതുവിഭാ​ഗത്തിൽ നാല്, എസ് സി വിഭാ​ഗത്തിൽ മൂന്ന്, ഈഴവ വിഭാ​ഗത്തിൽ ഒന്ന്, പി ഡബ്ലിയു ഡി രണ്ട്, ഇഡബ്ലിയു എസ് ഒന്ന് എന്നിങ്ങനെയാണ് ഒഴിവുകളുള്ളത്.

യോഗ്യത: ബോട്ടണി/ ബയോടെക്‌നോളജി/ബയോകെമിസ്ട്രി/കെമിസ്ട്രി മാസ്റ്റേഴ്‌സ് ബിരുദം വേണം. സിഎസ്‌ഐആർ, യുജിസി, ഡിബിടി തുടങ്ങിയവയിൽ ഒന്നിൽ ഗവേഷണത്തിനുള്ള സാധുവായ ഫെലോഷിപ്പോ (ജെആർഎഫ്), കെഎസ്‌സിഎസ് ടി ഇ പോലെയുള്ള ഏജൻസികളുടെ ഗവേഷണത്തിനുള്ള തത്തുല്യ യോ​ഗ്യതയുള്ള ഫെലോഷിപ്പുകൾ ഉള്ളവർക്കും അപേക്ഷിക്കാം.

ഫെല്ലോഷിപ്പിന് പുറമെ അപേക്ഷകർക്ക് സാധുവായ യുജിസി നെറ്റ് സ്കോർ വേണം. ഉയർന്ന പ്രായപരിധി, പുരുഷന്മാർക്ക് 35 വയസ്സും വനിതകൾക്ക് 40 വയസ്സുമായിരിക്കും.

വനിതകൾ, പട്ടിക/ഒബിസി/ഭിന്നശേഷി വിഭാഗക്കാർക്ക്,പ്രായപരിധിയിൽ കേന്ദ്രസർക്കാർ മാനദണ്ഡമനുസരിച്ചുള്ള ഇളവുകൾ ലഭിക്കും. ഓഗസ്റ്റ് 30 വരെ അപേക്ഷിക്കാം.

അപേക്ഷ www.spices.res.in വഴി ഓൺലൈനായി സമർപ്പിക്കണം.

വിശദവിവരങ്ങൾക്ക്:www.spices.res.in

അന്വേഷണങ്ങൾക്ക് : hrdiisr@gmail.com, ഫോൺ: 0495 2731410