കുസെക്: ടെക്നിഷ്യൻ ഗ്രേഡ് 1 തസ്തികയിലേക്ക് നിയമനം നടത്തുന്നു

കൊച്ചി: കൊച്ചിൻ യൂണിവേഴ്സിറ്റിറ്റി കോളേജ് ഓഫ് എൻജിനീയറിങ്, കുട്ടനാട് (കുസെക്) ക്യാമ്പസ്സിൽ ടെക്നിഷ്യൻ ഗ്രേഡ് 1 തസ്തികയിലേക്ക് നിയമനം നടത്തുന്നു. ദിവസവേതന അടിസ്ഥാനത്തിൽ ആയിരിക്കും നിയമനം. കമ്പ്യൂട്ടർ സയൻസ്/ ഇൻഫർമേഷൻ ടെക്നോളജിയിൽ ഐടിഐയാണ് അടിസ്ഥാന യോഗ്യത ആയി വേണ്ടത്.

താല്പര്യമുള്ള ഉദ്യോഗാർത്ഥികൾ ആഗസ്റ്റ് 27ന് രാവിലെ 11 മണിക്ക് കുസെക് ക്യാമ്പസ്സിൽ നടത്തുന്ന ഇന്റർവ്യൂവിൽ പങ്കെടുക്കാം. കൂടുതൽ വിവരങ്ങൾക്ക് 0477-2707500, 9656225652, 9447706426 എന്ന നമ്പറുകളിൽ ബന്ധപെടുക.

ടെക്‌നീഷ്യൻ ഒഴിവ്

കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) സ്കൂൾ ഓഫ് ഇൻഡസ്ട്രിയൽ ഫിഷറീസിൽ കരാർ അടിസ്ഥാനത്തിൽ ടെക്‌നീഷ്യൻ ഗ്രേഡ് 2 ഒഴിവിലേക്ക് അപേക്ഷകൾ ക്ഷണിക്കുന്നു. കെമിസ്ട്രി / സുവോളജി വിഷയത്തിൽ ബിരുദവും അനുബന്ധ വിഷയമായി കെമിസ്ട്രി പഠിച്ചവർ അല്ലെങ്കിൽ ഫിഷറി സയൻസിൽ ബിരുദമാണ് യോഗ്യത. 2 വർഷ ലബോറട്ടറി പ്രവർത്തന പരിചയം അഭികാമ്യം. താല്പര്യമുള്ള ഉദ്യോഗാർത്ഥികൾ സെപ്റ്റംബർ 10ന് മുൻപായി ഓൺലൈനായി അപേക്ഷിക്കുക.

അപേക്ഷയുടെ ഒപ്പിട്ട ഹാർഡ് കോപ്പി, പ്രായം, യോഗ്യത മുതലായവ തെളിയിക്കുന്നതിനുള്ള രേഖകളുടെ പകർപ്പുകൾ സഹിതം ‘രജിസ്ട്രാർ, കൊച്ചി ശാസ്ത്ര സാങ്കേതിക സർവകലാശാല, കൊച്ചി-22’ എന്ന വിലാസത്തിൽ സെപ്റ്റംബർ 17ന് മുൻപായി ലഭിക്കത്തക്കവിധം അയക്കണം.