സ്‌കൗട്ട് ആൻഡ് ഗൈഡ് ആയിരുന്നോ ?, നിങ്ങളെ റെയിൽവേ വിളിക്കുന്നു

സ്‌കൗട്ട് ആൻഡ് ഗൈഡ് പ്രസ്ഥാനത്തിൽ സേവനമനുഷ്ഠിച്ചുള്ളവർക്ക് റെയിൽവേയിൽ ജോലി നേടാൻ അവസരം. വെസ്റ്റേൺ റെയിൽവേ സ്‌കൗട്ട് ആൻഡ് ഗൈഡ് ക്വാട്ടയിൽ നിയമനം നടത്തുന്നു. ഗ്രൂപ്പ് സി,ഡി തസ്തികകളിലേക്കാണ് നിയമനം നടത്തുന്നത്. അകെ 16 ഒഴിവുകൾ ആണ് ഉള്ളത്.

വിദ്യാഭാസ യോഗ്യത

ഗ്രൂപ്പ് സി തസ്തികകൾക്ക് അംഗീകൃത ബോർഡിൽ നിന്ന് കുറഞ്ഞത് 50% മാർക്കോടെ പന്ത്രണ്ടാം ക്ലാസ് (+2 ഘട്ടം) അല്ലെങ്കിൽ തത്തുല്യ പരീക്ഷ പാസായിരിക്കണം.

ഗ്രൂപ്പ് ഡി തസ്തികകൾക്ക് പത്താം ക്ലാസ് പാസായിരിക്കണം അല്ലെങ്കിൽ ഐടിഐ സർട്ടിഫിക്കറ്റ് അല്ലെങ്കിൽ തത്തുല്യ യോഗ്യത ഉണ്ടായിരിക്കണം അല്ലെങ്കിൽ എൻ‌സി‌വി‌ടി നൽകുന്ന നാഷണൽ അപ്രന്റീസ്ഷിപ്പ് സർട്ടിഫിക്കറ്റ് (എൻ‌എസി) ഉണ്ടായിരിക്കണം.

സ്കൗട്ട്/ഗൈഡ് യോഗ്യത

• രാഷ്ട്രപതിയുടെ അംഗീകാരം ലഭിച്ച സ്കൗട്ട്/ഗൈഡ്/റോവർ/റേഞ്ചർ വിഭാഗത്തിൽ ഉൾപ്പെട്ടിരിക്കണം അല്ലെങ്കിൽ ഏതെങ്കിലും വിഭാഗത്തിൽ ഹിമാലയൻ വുഡ് ബാഡ്ജ് (HWB) ഉണ്ടായിരിക്കണം.

• കഴിഞ്ഞ 5 വർഷമായി (2020-21 മുതൽ) ഒരു സ്കൗട്ട്സ് ഓർഗനൈസേഷന്റെ സജീവ അംഗമായിരിക്കണം.

• ദേശീയ തലത്തിലോ അഖിലേന്ത്യാ റെയിൽവേയുടെ തലത്തിലോ രണ്ട് പരിപാടികളിലും സംസ്ഥാന തലത്തിൽ രണ്ട് പരിപാടികളിലും പങ്കെടുത്തിരിക്കണം.

പ്രായപരിധി,അപേക്ഷ ഫീസ് തുടങ്ങിയ മറ്റ് വിവരങ്ങൾക്കായി https://www.rrc-wr.com/ സന്ദർശിക്കുക.