75,000 രൂപ ശമ്പളം, സെബിയിൽ പാർട്ട് ടൈം കൗൺസലർ, മെയ് 11 വരെ അപേക്ഷിക്കാം

സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി-SEBI ) പാർട്ട് ടൈം കൗൺസലർ തസ്തികകളിലേക്ക് നിയമനം നടത്തുന്നതിനായി ഔദ്യോഗിക വിജ്ഞാപനം പ്രസിദ്ധീകരിച്ചു.

സെബിയുടെ ഔദ്യോഗിക വെബ്സൈറ്റ് ആയ www.sebi.gov.in പ്രസിദ്ധീകരിച്ച വിജ്ഞാപന പ്രകാരം നിർദ്ദിഷ്ട വിഷയങ്ങളിൽ എം എ അല്ലെങ്കിൽ എം എസ് സിയും നിശ്ചിത കാലയളവ് പ്രവൃത്തി പരിചയവമുള്ളവർക്ക് അപേക്ഷിക്കാം.

താൽപ്പര്യവും യോഗ്യതയുമുള്ളവർ നിർദ്ദിഷ്ട അപേക്ഷ ഫോം പൂരിപ്പിച്ച് വേണം അപേക്ഷ സമർപ്പിക്കേണ്ടത്. അപേക്ഷ മെയ് 11 വരെ സ്വീകരിക്കും.

തപാൽ വഴിയോ ഇ മെയിൽ വഴിയോ വേണം അപേക്ഷ സമർപ്പിക്കേണ്ടത്.

യോഗ്യത, പ്രവൃത്തി പരിചയം, ശമ്പളം, നിയമന രീതി എന്നിവ അറിയാം

തസ്തികയുടെ പേര് പാർട്ട് ടൈം കൗൺസലർ

യോഗ്യത: ക്ലിനിക്കൽ സൈക്കോളജിയിൽ ബിരുദാനന്തര ബിരുദം,

പ്രവൃത്തി പരിചയം: ക്ലിനിക്കൽ സൈക്കോളജിയിൽ യോഗ്യത നേടിയതിന് ശേഷം രണ്ട് വർഷത്തെ പരിചയം

പ്രായപരിധി" ഔദ്യോഗിക വിജ്ഞാപനത്തിൽ നിശ്ചയിച്ചിട്ടില്ല

ശമ്പളം: 75,000 രൂപ സമാഹൃതം

തസ്തികകളുടെ എണ്ണം: ഔദ്യോഗിക വിജ്ഞാപനത്തിൽ വ്യക്തമാക്കിയിട്ടില്ല.

നിയമന രീതി: കരാർ അടിസ്ഥാനത്തിൽ പാർട്ട് ടൈം

അപേക്ഷ ലഭിക്കേണ്ട അവസാന തീയതി: മെയ് 11

അപേക്ഷ സമർപ്പിക്കേണ്ട രീതിയിലും വിലാസവും

തപാലിലോ നേരിട്ടോ ആണ് അപേക്ഷ സമർപ്പിക്കുന്നതെങ്കിൽ നിർദ്ദിഷ്ട അപേക്ഷ ഫോം പൂരിപ്പിച്ച് ആവശ്യമായ രേഖകൾ സഹിതം അപേക്ഷിക്കുന്ന കവറിന് മുകളിൽ “Application for engagement as Part-time Counsellor (on contract basis)” എഴുതി വേണം സമർപ്പിക്കേണ്ടത്. തപാലിൽ അപേക്ഷ അയക്കേണ്ട വിലാസം.

SECURITIES AND EXCHANGE BOARD OF INDIA

SEBI Bhavan

Human Resources Department

Plot No. C4-A, “G” Block

Bandra-Kurla Complex

Bandra (E), Mumabi – 400051.

ഇമെയിൽ ആയാണ് അപേക്ഷ സമർപ്പിക്കുന്നതെങ്കിൽ അപേക്ഷാ ഫോം പൂരിപ്പിച്ച് ആവശ്യമായ രേഖകൾ സഹിതം മെയിലിലെ സബ്ജ്ക്ട് ലൈനിൽ “Application for engagement as Part-time Counsellor (on contract basis)” രേഖപ്പെടുത്തി വേണം അപേക്ഷ സമർപ്പിക്കേണ്ടത്.

അപേക്ഷ അയക്കേണ്ട ഇ മെയിൽ വിലാസം Email : hrd@sebi.gov.in

അപേക്ഷയുടെ വിശദാംശങ്ങളും അപേക്ഷിക്കാനുള്ള ഫോമും ഇവിടെ ലഭിക്കും