സൗത്ത് ഇന്ത്യൻ ബാങ്കിൽ ജൂനിയർ ഓഫീസർ/ ബിസിനസ് പ്രമോഷൻ ഓഫീസർ ഒഴിവുകൾ, ബിരുദധാരികൾക്ക് അവസരം

സൗത്ത് ഇന്ത്യൻ ബാങ്കിൽ ജൂനിയർ ഓഫീസർ/ ബിസിനസ് പ്രമോഷൻ ഓഫീസർ തസ്തികകളിലെ ഒഴിവുകൾ നികത്തുന്നതിന് വിജ്ഞാപനം പുറപ്പെടുവിച്ചു.

ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാം. നിശ്ചിത പ്രവൃത്തി പരിചയവും ആവശ്യമാണ്.

യോഗ്യതയും താൽപ്പര്യവുമുള്ളവർക്ക് ഇന്ന് (ഫെബ്രുവരി 20) മുതൽ അപേക്ഷ സമർപ്പിച്ച് തുടങ്ങാം. മാർച്ച് രണ്ടാണ് അപേക്ഷ സമർപ്പിക്കാനുള്ള അവസാന തീയതി.

തസ്തികയുടെ പേര്: ജൂനിയർ ഓഫീസർ / ബിസിനസ് പ്രൊമോഷൻ ഓഫീസർ

ഒഴിവുകളുടെ എണ്ണം: നിജപ്പെടുത്തിയിട്ടില്ല

ശമ്പളം : പ്രതിവർഷം 7.56 ലക്ഷം രൂപ

യോഗ്യത: ഏതെങ്കിലും സ്ട്രീമിൽ ബിരുദം, ബാങ്ക്/എൻ‌ബി‌എഫ്‌സി/ധനകാര്യ സ്ഥാപനങ്ങളിൽ കുറഞ്ഞത് രണ്ട് വർഷത്തെ പരിചയം

ഉയർന്ന പ്രായപരിധി : 30 വയസ്സ്

എസ്‌സി/എസ്ടി വിഭാഗത്തിൽപ്പെട്ടവർക്ക് അഞ്ച് വർഷത്തെ ഇളവ് ലഭിക്കും

നിയമന രീതി : കരാർ അടിസ്ഥാനത്തിലായിരിക്കും നിയമനം തുടങ്ങുക, തുടക്കത്തിൽ മൂന്ന് വർഷത്തേക്കായിരിക്കും നിയമനം ബാങ്കിന്റെ വിവേചനാധികാരത്തിൽ പുതുക്കാവുന്നതാണ്.

കരാറിൽ, തുടക്കത്തിൽ 3 വർഷത്തേക്ക്, ബാങ്കിന്റെ വിവേചനാധികാരത്തിൽ, പ്രകടന വിലയിരുത്തലിനും ബിസിനസ് ആവശ്യകതകൾക്കും വിധേയമായി പുതുക്കാവുന്നതാണ്.

പ്രാരംഭ കരാർ കാലാവധി പൂർത്തിയാകുമ്പോഴോ അല്ലെങ്കിൽ അതിനുശേഷം അനുവദിക്കുന്ന ഏതെങ്കിലും കരാർ നീട്ടൽ പൂർത്തിയാകുമ്പോഴോ, ബാങ്കിന്റെ പൂർണ്ണ വിവേചനാധികാരത്തിൽ, അന്നത്തെ നിലവിലുള്ള മാനദണ്ഡങ്ങൾക്ക് വിധേയമായി, അസിസ്റ്റന്റ് മാനേജർ (സ്കെയിൽ I) ആയി സ്ഥിരം നിയമനത്തിന് പരിഗണിക്കാവുന്നതാണ്.

അപേക്ഷിക്കാനുള്ള അവസാന തീയതി: മാർച്ച് രണ്ട് (02-03-2026)

അപേക്ഷിക്കാനുള്ള ലിങ്ക് ഇവിടെ കാണാം

വിജ്ഞാപനം ഇവിടെ വായിക്കാം

ഔദ്യോഗിക വെബ്സൈറ്റ്