ശുചിത്വ മിഷനിൽ ഇന്റേൺഷിപ്പിന് അവസരം; 15,000 രൂപ സ്റ്റൈപൻഡ്

സംസ്ഥാന തദ്ദേശ സ്വയംഭരണ വകുപ്പിന് കീഴിലുള്ള ശുചിത്വ മിഷനിൽ ഇന്റേൺഷിപ്പിന് അപേക്ഷ ക്ഷണിച്ചു. എംടെക് എൻവയോൺമെന്റ് എഞ്ചിനീയറിങ് യോഗ്യതയുള്ള ഉദ്യോഗാർഥികൾക്കാണ് അവസരം. ഒരു വർഷമാണ് കാലാവധി. നിയമനം ലഭിക്കുന്നവർക്ക് പ്രതിമാസം 15,000 രൂപ സ്റ്റൈപൻഡായി ലഭിക്കും.

ആകെ മൂന്ന് ഒഴിവുകളാണ് റിപ്പോർട്ട് ചെയ്തിരിക്കുന്നത്. ഇന്റേൺഷിപ്പ് ചെയ്യാൻ ആഗ്രഹമുള്ള ഉദ്യോഗാർഥികൾ നിർദ്ദിഷ്ട മാതൃകയിലുള്ള അപേക്ഷ, ബയോഡാറ്റ, വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന രേഖകൾ സഹിതം അഭിമുഖത്തിന് ഹാജരാകണം. തിരുവനന്തപുരം പബ്ലിക് ഓഫീസ് കോംപൗണ്ടിലെ റവന്യൂ ടവറിന്റെ നാലാം നിലയിൽ പ്രവർത്തിക്കുന്ന സ്റ്റേറ്റ് ശുചിത്വ മിഷൻ ഓഫീസിലാണ് അഭിമുഖം നടക്കുക.

മേയ് 11-ന് രാവിലെ 10.30-നാണ് അഭിമുഖം. രജിസ്ട്രേഷൻ നടപടികൾക്കായി അഭിമുഖ സമയത്തിന് മുൻപ് തന്നെ ഉദ്യോഗാർഥികൾ എത്തണമെന്ന് അധികൃതർ അറിയിച്ചു. താൽപര്യമുള്ള ഉദ്യോഗാർഥികൾക്ക് ഔദ്യോഗിക വിജ്ഞാപനവും അപേക്ഷ ഫോമും ഔദ്യോഗിക വെബ്സൈറ്റിൽ നിന്ന് ഡൗൺലോഡ് ചെയ്യാം.

https://suchitwamission.org/