മലയാളത്തിൽ മാത്രമല്ല അന്യ ഭാഷകളിലും നിരവധി ആരാധകരുള്ള ഗായികയാണ് കെഎസ് ചിത്ര. മനോഹരമായ ശബ്ദത്തിലൂടെ മാത്രമല്ല പെരുമാറ്റത്തിലൂടേയും ചിത്രം ആരാധകരുടെ ഹൃദയം കീഴടക്കാറുണ്ട്. ഇപ്പോൾ സോഷ്യൽ മീഡിയയിൽ വൈറലാവുന്നത് ചിത്രയുടെ രസകരമായ വിഡിയോ ആണ്. തബല വായിക്കുന്ന ചിത്രയെയാണ് വിഡോയിൽ കാണുന്നത്.
'ഞാൻ പഠിപ്പിച്ചുതരാം'
‘തബല കൊട്ടുന്നതെങ്ങനെയാണെന്നു ഞാൻ പഠിപ്പിച്ചു തരാം’ എന്നു പറഞ്ഞുകൊണ്ട് താളത്തിൽ തബലയിൽ താളമിടുന്ന ചിത്രയെയാണ് വിഡിയോയിൽ കാണുന്നത്. എന്നും മുഖത്തുള്ള ചിരിക്കൊപ്പമാണ് ചിത്ര തബല കൊട്ടാൻ പഠിപ്പിക്കുന്നത്. സ്വകാര്യ ചാനല് പരിപാടിയിൽ പങ്കെടുക്കുന്നതിനിടയിലെ രംഗമാണിത്. ഏതാനും സെക്കന്റുകള് മാത്രം ദൈർഘ്യമുള്ള വിഡിയോ ഇതിനോടകം നിരവധി പേരാണു കണ്ടുകഴിഞ്ഞത്.
എക്സ്പർട്ട് തബല മാസ്റ്റർ എന്നാണ് ഒരാളുടെ കമന്റ്. നിരവധി പേരാണ് ചിത്രയുടെ ക്യൂട്ട് വിഡിയോയെ പ്രശംസിച്ചുകൊണ്ട് രംഗത്തെത്തുന്നത്. വിഡിയോ എപ്പോൾ എടുത്തതാണെന്നു വ്യക്തമല്ല. ചിത്രയുടെ ആരാധകരുടെ സമൂഹമാധ്യമ കൂട്ടായ്മകളിലൂടെയാണ് ഇത് പ്രചരിക്കുന്നത്. വിഡിയോയുടെ പൂർണരൂപം തിരയുകയാണ് ആരാധകരിപ്പോൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ