ഹൈദരാബാദ്; ട്രാഫിക് നിയമം ലംഘിച്ചതിന് തെന്നിന്ത്യൻ സൂപ്പർതാരം അല്ലു അർജുനെതിരെ നിയമനടപടി. ഹൈദരാബാദ് പൊലീസാണ് താരത്തിനെതിരെ പിഴ ചുമത്തിയത്. താരത്തിന്റെ റേഞ്ച് റോവറിന് ടിന്റഡ് ഗ്ലാസ് ഉപയോഗിച്ചതിനാണ് പിഴ. ഹൈദരാബാദിലെ തിരക്കേറിയ സ്ഥലത്ത് നിർത്തിയിട്ടിരിക്കുകയായിരുന്ന കാറിന് ടിന്റഡ് ഗ്ലാസ് ശ്രദ്ധയിൽപ്പെട്ടതോടെയാണ് പൊലീസ് നടപടി.
700 രൂപയാണ് പിഴയായി താരത്തിൽ നിന്ന് ഈടാക്കിയത്. ഗ്ലാസ് മാറ്റണമെന്ന് പൊലീസ് ആവശ്യപ്പെട്ടതായും ബോളിവുഡ് ലൈഫ് റിപ്പോര്‍ട്ട് ചെയ്തു. അതിനിടെ ടിന്റഡ് ഗ്ലാസ് ഉപയോഗിക്കുന്നതിനെതിരെ ഹൈദരാബാദ് പൊലീസ് ശക്തമായ നടപടികളാണ് സ്വീകരിക്കുന്നത്. 2012 സുപ്രീം കോടതി വിധിപ്രകാരം രാജ്യത്ത് വാഹനങ്ങളില്‍ ടിന്റഡ് ഗ്ലാസ് ഉപയോഗിക്കുന്നതില്‍ വിലക്കുണ്ട്.
ദിവസങ്ങൾക്കു മുൻപാണ് തെലുങ്ക് സംവിധായകൻ ത്രിവിക്രം ശ്രീനാവാസന് ഗതാഗത നിയമം തെറ്റിച്ചതിന് പിഴയീടാക്കിയിരുന്നു. ജൂനിയർ എൻടിആർ, കല്യാൺ റാം, മൻജു മനോജ് തുടങ്ങിയ നിരവധി താരങ്ങളാണ് ഇതിന് മുൻപ് ട്രാഫിക് നിയമം തെറ്റിച്ചതിന് നടപടി നേരിട്ടിട്ടുള്ളത്. സുകുമാര്‍ സംവിധാനം ചെയ്യുന്ന പുഷ്പ രണ്ടാംഭാഗത്തിന്റെ ചിത്രീകരണത്തിരക്കിലാണ് അല്ലു അര്‍ജുനിപ്പോള്‍. ചിത്രത്തിന്റെ ആദ്യ ഭാഗം വമ്പൻ ഹിറ്റായിരുന്നു. ഫഹദ് ഫാസിലും ചിത്രത്തിൽ പ്രധാന വേഷത്തിലെത്തിയിരുന്നു.
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.
ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
