അനന്യയുടെ സഹോദരനും നടനുമായ അർജുൻ ​ഗോപാൽ വിവാഹിതനായി, വധു മാധവി; വി‍ഡിയോ

നടി അനന്യയുടെ സഹോദരനും നടനുമായ അർജുൻ ​ഗോപാൽ വിവാഹിതനായി. മാധവി ബാല​ഗോപാൽ ആണ് വധു. ഇന്നലെ ​ഗുരുവായൂർ വച്ചായിരുന്നു വിവാഹം നടന്നത്. വിവാഹശേഷം ബന്ധുക്കൾക്കും സുഹൃത്തുക്കൾക്കുമായി കൊച്ചിയിൽ വച്ച് സൽക്കാരവും നടത്തി. 

ഇന്നലെ ​ഗുരുവായൂർ നിരവധി വിവാഹ​ങ്ങളാണ് നടന്നത്. മാധവിയുടെ അച്ഛന്റെ ആഗ്രഹമായിരുന്നു ഗുരുവായൂർ വച്ച് വിവാഹം നടത്തണമെന്നത്. അതുകൊണ്ടാണ് ഇത്രയും തിരക്കുകൾക്കിടയിലും ഇവിടെ വച്ച് വിവാഹം നടത്തിയതെന്നും അർജുൻ പറഞ്ഞു. സിംപിൾ ലുക്കിലാണ് അനന്യ സഹോദരന്റെ വിവാഹത്തിന് എത്തിയത്. സെറ്റു സാരിയിൽ അതിസുന്ദരിയായിരുന്നു താരം. 

ആസിഫ് അലി നായകനായി എത്തിയ കുഞ്ഞെൽദോ സിനിമയിലൂടെ ശ്രദ്ധേയനാണ് അർജുൻ. ജിന്റോ എന്ന കഥാപാത്രത്തെയാണ് അർജുൻ അവതരിപ്പിച്ചത്. സാറാസ്, വൂൾഫ്, ഒരു റൊണാൾഡോ ചിത്രം എന്നിവയാണ് മറ്റ് പ്രധാന സിനിമകൾ. ​ഗായകൻ എന്ന നിലയിലും ശ്രദ്ധേയനാണ് അർജുൻ.

ഈ വാര്‍ത്ത കൂടി വായിക്കൂ 

തുടരെ പരാജയങ്ങൾ, കാരണക്കാരൻ താനാണെന്ന് അക്ഷയ് കുമാർ​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്കു. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ