തെന്നിന്ത്യന്‍ സിനിമാലോകത്തെ പ്രിയതാരമാണ് നിത്യ മേനോന്‍. മലയാളം, തമിഴ്, തെലുങ്ക്, ഹിന്ദി ഉള്‍പ്പടെ വിവിധ ഭാഷകളിലായി നിരവധി സിനിമകളിലാണ് നിത്യ അഭിനയിച്ചിട്ടുള്ളത്. വിജയ് സേതുപതി നായകനായി എത്തുന്ന മലയാളം ചിത്രം 19(1)(a) ആണ് താരത്തിന്റെ പുതിയ ചിത്രം. ഇപ്പോള്‍ വൈറലാവുന്നത് നിത്യ മേനോന്റെ വിവാഹ വാര്‍ത്തയാണ്.
മലയാളത്തിലെ പ്രമുഖ താരവുമായി നിത്യ പ്രണയത്തിലാണ് എന്ന വാര്‍ത്തകളാണ് ഇപ്പോള്‍ പുറത്തുവരുന്നത്. എന്നാല്‍ പേരോ മറ്റ് വിവരങ്ങളോ പുറത്ത് വിട്ടിട്ടില്ല. കൗമാരകാലം മുതല്‍ ഇരുവരും കൂട്ടുകാരായിരുന്നെന്നും ബന്ധം പ്രണയമായി മാറുകയായിരുന്നു എന്നുമാണ് റിപ്പോര്‍ട്ടുകള്‍. പ്രണയജോഡികള്‍ വീട്ടുകാരുടെ സമ്മതം വാങ്ങിയെന്നും വൈകാതെ വിവാഹമുണ്ടാകുമെന്നും റിപ്പോര്‍ട്ടില്‍ പറയുന്നു.
സിനിമപ്രേമികളുടെ ഇഷ്ടതാരമായ നിത്യ മേനോന്റെ വിവാഹവാര്‍ത്ത ആരാധകരെ ആവേശത്തിലാക്കിയിരിക്കുകയാണ്. ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകര്‍. വിജയ് സേതുപതി, ഇന്ദ്രജിത്ത് സുകുമാരന്‍ എന്നിവര്‍ പ്രധാന വേഷത്തില്‍ എത്തുന്ന 19(1) (എ) ആണ് ഇനി റിലീസിങിന് ഒരുങ്ങുന്ന ചിത്രം. ഡിസ്‌നി പ്ലസ് ഹോട്ട്സ്റ്റാറിലാണ് പ്രദര്‍ശനത്തിനെത്തുന്നത്. പൊളിറ്റിക്കല്‍ ഡ്രാമ വിഭാഗത്തില്‍ ഒരുങ്ങുന്ന ചിത്ര കഥയെഴുതി സംവിധാനം ചെയ്തിരിക്കുന്നത് നവാഗതയായ ഇന്ദു വിയാണ്.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
