തെന്നിന്ത്യയിൽ ഏറെ ആരാധകരുള്ള താരമാണ് അല്ലു അർജുൻ. പുഷ്പ സിനിമ വൻ വിജയമായതോടെ താരം നോർത്തിന്ത്യൻ ആരാധകരുടേയും ഹൃദയം കവർന്നു. ഇപ്പോൾ താരത്തിനെതിരെ പൊലീസിൽ പരാതി നൽകിയിരിക്കുകയാണ് ഒര സാമൂഹിക പ്രവർത്തകൻ. അല്ലു അർജുൻ അഭിനയിച്ച പരസ്യം ആളുകളെ വഴിതെറ്റിക്കുന്നു എന്നാണ് പരാതിയിൽ പറയുന്നത്.
കോത്ത ഉപേന്ദർ റെഡ്ഡി എന്ന സാമൂഹ്യ പ്രവർത്തകനാണ് അല്ലു അർജുനെതിരെ പരാതി നൽകിയത്. താരം ഈയിടെ ഒരു വിദ്യാഭ്യാസ സ്ഥാപനത്തിന്റെ പരസ്യത്തിൽ അഭിനയിച്ചിരുന്നു. ഈ പരസ്യമാണ് ഇപ്പോൾ വിവാദമായിരിക്കുന്നത്. പരസ്യം ആളുകളെ വഴിതെറ്റിക്കുന്നതാണെന്നും തെറ്റായ വിവരങ്ങളാണ് നൽകിയതെന്നുമാണ് പരാതി. ആമ്പർപേട്ട് പോലീസിലാണ് കോത്ത ഉപേന്ദർ റെഡ്ഡി പരാതി നൽകിയത്.
ജനങ്ങളെ കബളിപ്പിച്ചതിന് അല്ലു അർജുനേയും വിദ്യാഭ്യാസ സ്ഥാപനത്തേയും പ്രോസിക്യൂട്ട് ചെയ്യണമെന്ന് കോത്ത ഉപേന്ദർ റെഡ്ഡി ആവശ്യപ്പെട്ടു. ഒരു ഫുഡ് ഡെലിവറി ആപ്പിനുവേണ്ടി പരസ്യം ചെയ്തതിന് അല്ലു അർജുൻ നേരത്തെ തന്നെ അപവാദങ്ങൾ നേരിട്ടിരുന്നു. സർക്കാർ ട്രാൻസിറ്റ് സേവനങ്ങളെ അവഹേളിച്ചുകൊണ്ട് നിർമിച്ച ബൈക്ക് ആപ്പ് പരസ്യത്തിലഭിനയിച്ചതിനും അദ്ദേഹത്തിന് താക്കീത് ലഭിച്ചിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
