'ഒന്ന് ബി പോസിറ്റീവായിരിക്കാന്‍ ബാക്കി എല്ലാം എ പോസിറ്റീവ്', മാർക്ക്ലിസ്റ്റ് പങ്കുവച്ച് മീനാക്ഷി; ആശംസകൾക്കൊപ്പം ട്രോളും 

എസ്എസ്എൽസി പരീക്ഷയിൽ മികച്ച വിജയം നേടി സിനിമാതാരം മീനാക്ഷി. ഒൻപതു എ പ്ലസും ഒരു ബി പ്ലസുമാണ് താരം നേടിയത്. സോഷ്യൽ മീഡിയയിലൂടെ താരം തന്നെയാണ് മാർക്ക്ലിസ്റ്റ് ആരാധകർക്കായി പങ്കുവച്ചത്. 

'ഒന്ന് ബി പോസിറ്റീവായിരിക്കാന്‍, ബാക്കി എല്ലാം എ പോസിറ്റീവ്' എന്ന അടിക്കുറിപ്പിലാണ് മാർക് ലിസ്റ്റിന്റെ ചിത്രം താരം പോസ്റ്റ് ചെയ്തത്. ഫിസിക്സിനൊഴിച്ച് ബാക്കി എല്ലാ വിഷയങ്ങൾക്കും മീനാക്ഷിക്ക് എ പ്ലസ് ആണ്. നിരവധി ആരാധകരാണ് താരത്തിന് ആശംസകൾ നേർന്നുകൊണ്ട് എത്തിയത്. അതിനിടെ പോസ്റ്റിന് താഴെ ട്രോളുകളും  നിറയുകയാണ്. 

മീനാക്ഷി അവതാരികയായി എത്തുന്ന സം​ഗീത പരിപാടിക്കിടെ താരത്തെ വെള്ളം കുടിപ്പിച്ച ഒരു കുസൃതിച്ചോദ്യവുമായാണ് ആരാധകർ എത്തുന്നത്. 5 കിലോ കമ്പിക്കാനോ 5 കിലോ പഞ്ഞിക്കാണോ ഭാരം കൂടുതൽ എന്ന ചോദ്യത്തിന്റെ ഉത്തരം തെറ്റിയത് കൊണ്ടല്ലേ ഫിസിക്സിൽ B+ ആയത്? എന്നായിരുന്നു ഒരാളുടെ കമന്റ്. തമാശകൾക്ക് മീനാക്ഷി മറുപടിയായി എത്തി. ഒരുപാട് സന്തോഷം അതിലേറെ നന്ദി...പഞ്ഞീടേയും ഇരുമ്പിന്റെയും കാര്യം കണക്കിൽ ചോദിക്കാതിരുന്നതെന്റെ ഭാഗ്യം- എന്നാണ് താരം കുറിച്ചത്. 

കോട്ടയം കിടങ്ങൂര്‍ എന്‍എസ്എസ് ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിയാണ് മീനാക്ഷി. അനൂപ്-രമ്യ ദമ്പതിമാരുടെ മകളാണ്. സിനിമയില്‍ മീനാക്ഷി എന്നറിയപ്പെടുന്നെങ്കിലും ശരിയായ പേര് അനുനയ അനൂപ് എന്നാണ്.

ഈ വാര്‍ത്ത കൂടി വായിക്കൂ

ഹിന്ദി സുരറൈ പോട്രിൽ സൂര്യയും, അക്ഷയ് കുമാറിനൊപ്പമുള്ള ചിത്രം പങ്കുവച്ച് താരം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ