'എന്റെ ആദ്യത്തെ എ പടം ലോഡിം​ഗ്'; 'നല്ല സമയം' സെൻസറിം​ഗ് കഴിഞ്ഞെന്ന് ഒമർ ലുലു, ട്രെയിലർ ഇന്നെത്തും

ഇർഷാദ് അലിയാണ് നല്ല സമയം സിനിമയിൽ നായകനായി എത്തുന്നത്
ചിത്രം: ഫേയ്സ്ബുക്ക്
ചിത്രം: ഫേയ്സ്ബുക്ക്

മർ ലുലു സംവിധാനം ചെയ്യുന്ന പുതിയ ചിത്രമാണ് നല്ല സമയം. ഇപ്പോൾ ചിത്രത്തിന്റെ സെൻസറി​ഗ് പൂർത്തിയാക്കിയ വിവരം ആരാധകരെ അറിയിച്ചിരിക്കുകയാണ് താരം. എ സർട്ടിഫിക്കറ്റാണ് ചിത്രത്തിന് ലഭിച്ചത്. ഇന്ന് വൈകിട്ട് ചിത്രത്തിന്റെ ട്രെയിലർ എത്തുമെന്നും ഒമർ അറിയിച്ചു. 

'നല്ല സമയം സെൻസറിം​ഗ് കഴിഞ്ഞു. ക്ലീൻ 'എ' സർട്ടിഫിക്കറ്റ്, ട്രെയിലർ ഇന്ന് 7.30ന്. സിനിമ തിയറ്ററുകളിൽ നവംബർ 25ന് റിലീസ്. അങ്ങനെ എന്റെ ആദ്യത്തെ എ പടം ലോഡിം​ഗ്'- എന്നാണ് ഒമർ കുറിച്ചത്. കോഴിക്കോട് ഹൈലൈറ്റ് മാളിൽവച്ച് ചിത്രത്തിന്റെ ട്രെയിലർ ലോഞ്ച് നടത്താനാണ് ഇരുന്നത്. ഷക്കീലയായിരുന്നു പ്രധാന അതിഥിയായി എത്തേണ്ടിയിരുന്നത്. എന്നാൽ ട്രെയിലർ ലോഞ്ച് ചടങ്ങ് നടക്കില്ലെന്നും ഓൺലൈനായി ട്രെയിലർ പുറത്തിറക്കുകയാണ് ചെയ്യുന്നതെന്നും ഒമർ വ്യക്തമാക്കി. 

ഇർഷാദ് അലിയാണ് നല്ല സമയം സിനിമയിൽ നായകനായി എത്തുന്നത്. നീന മധു, നോറ ജോണ്‍, നന്ദന സഹദേവന്‍, ഗായത്രി ശങ്കര്‍ എന്നിവരാണ് ചിത്രത്തിലെ നായികമാർ. ഒറ്റ രാത്രിയിൽ നടക്കുന്ന സംഭവങ്ങള്‍ ദൃശ്യവല്‍ക്കരിക്കുന്ന ചിത്രമാണിത്. ശാലു റഹീം, ശിവജി ഗുരുവായൂർ, ജയരാജ് വാര്യർ തുടങ്ങിയവരും അഭിനയിക്കുന്നുണ്ട്. ചിത്രം നിർമിച്ചിരിക്കുന്നത് നവാഗതനായ കലന്തൂർ ആണ്. ഹാപ്പി വെഡ്ഡിങ്, ചങ്ക്സ്, ഒരു അഡാറ് ലൗവ്, ധമാക്ക, പവർസ്റ്റാർ എന്നീ സിനിമകൾക്കു ശേഷം ഒമർ സംവിധാനം ചെയ്യുന്ന അഞ്ചാമത്തെ ചിത്രമാണ് നല്ല സമയം. ഒമർ ലുലുവും നവാഗതയായ ചിത്രയും ചേർന്നാണ് തിരക്കഥ എഴുതിയിരിക്കുന്നത്. സിനു സിദ്ധാർഥ് ആണ് കാമറ. 

ഈ വാര്‍ത്ത കൂടി വായിക്കൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com