ലക്കി സിങ്ങായി മോഹൻലാൽ, അമ്പരപ്പിക്കാൻ 'മോൺസ്റ്റർ'; ട്രെയിലർ പുറത്ത്
മോഹൻലാലിനെ നായകനാക്കി വൈശാഖ് സംവിധാനം ചെയ്യുന്ന മോൺസ്റ്ററിലെ ട്രെയിലർ പുറത്ത്. ഇൻവസ്റ്റിഗേഷൻ ത്രില്ലറായാണ് ചിത്രം എത്തുന്നത്. ലക്കി സിങ് എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്.
ഒരു കേസന്വേഷണവുമായി ബന്ധപ്പെടുത്തിയാണ് ലക്കി സിങ് എന്ന പേര് പൊലീസിനു മുന്നിലെത്തുന്നത്. സിഖ് തലപ്പാവ് ധരിച്ചാണ് മോഹൻലാലിന്റെ കഥാപാത്രം എത്തുന്നത്. ആദ്യാവസാനം നിഗൂഡത നിറച്ചുകൊണ്ടാണ് ട്രെയിലർ എത്തുന്നത്. എന്തായാലും ആരാധകർക്കിടയിൽ ശ്രദ്ധനേടുകയാണ് ട്രെയിലർ.
പുലിമുരുകന് ശേഷം മോഹൻലാലിനൊപ്പം വൈശാഖും ഉദയ്കൃഷ്ണയും ഒന്നിക്കുന്ന ചിത്രമാണിത്. ഹണി റോസും തെലുങ്ക് താരം ലക്ഷ്മി മാഞ്ചുവുമാണ് ചിത്രത്തിൽ നായികമാർ. സിദ്ധിഖ്, ലെന, ഗണേഷ് കുമാർ, സുദേവ് തുടങ്ങിയ വൻ താരനിരയാണ് ചിത്രത്തിൽ അണിനിരക്കുന്നത്. സതീഷ് കുറുപ്പാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ആന്റണി പെരുമ്പാവൂരാണ് ചിത്രം നിർമിക്കുന്നത്. എഡിറ്റിങ് ഷമീർ മുഹമ്മദ്. സംഗീതം ദീപക് ദേവ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ