'നിങ്ങൾ ഭാ​ഗ്യവാനാണ്, വലിയ സംതൃപ്‌തിയോടെയാകും ആ ഉമ്മ വിടപറഞ്ഞത്', മമ്മൂട്ടിയോട് കമൽ ഹസൻ 

മമ്മൂട്ടിയുടെ ഉമ്മ ഫാത്തിമ ഇസ്മായിലിന്റെ വിയോ​ഗത്തിൽ അനുശോചനം അറിയിച്ച് നടൻ കമൽ ഹാസൻ. ജീവിച്ചിരിക്കുമ്പോൾ നിങ്ങൾ എത്തിപ്പെട്ട ഉയരങ്ങൾ കാണാൻ ഉമ്മയ്‌ക്ക് സാധിച്ചു. കാലത്തിന് മാത്രമേ താങ്കളുടെ വേദന സുഖപ്പെടുത്താൻ കഴിയൂയെന്നും കമൽ ട്വീറ്ററിലൂടെ പറഞ്ഞു.

'പ്രിയപ്പെട്ട സുഹൃത്ത് മമ്മൂക്ക, താങ്കളുടെ മാതാവിന്റെ വിയോഗത്തെ കുറിച്ചറിഞ്ഞു. നിങ്ങൾ ഭാഗ്യവാനാണ്. നിങ്ങളെത്തിയ ഉയരങ്ങൾ കാണാൻ ജീവിച്ചിരിക്കുമ്പോൾ ആ ഉമ്മയ്ക്ക് സാധിച്ചു. വലിയ സംതൃപ്തിയോടെയാകും അവർ ഈ ലോകത്തോട് വിടപറഞ്ഞത്. കാലത്തിനു മാത്രമേ നിങ്ങളുടെ വേദനയെ സുഖപ്പെടുത്താനാകൂ. ആ വേദനയിൽ ഞാനും പങ്കുചേരുന്നു' കമൽ ഹാസൻ എഴുതി.

വെള്ളിയാഴ്ച പുലർച്ചെയായിരുന്നു നടൻ മമ്മൂട്ടിയുടെ ഉമ്മ ഫാത്തിമ ഇസ്മായിൽ (93) അന്തരിച്ചത്. വാർധക്യ സഹജമായ അസുഖങ്ങളെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. ചെമ്പ് ജുമാ മസ്ജിദിൽ വെള്ളിയാഴ്ച വൈകീട്ട് സംസ്‌കാര ചടങ്ങുകൾ നടന്നു.

ഈ വാർത്ത കൂടി വായിക്കൂ 

കങ്കണയുടെ ഓഫിസിന് മുന്നിൽ ബുദ്ധമത വിശ്വാസികളുടെ പ്രതിഷേധം; വിശദീകരണവുമായി നടി  

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ