ചാക്കോച്ചനെ വെല്ലാൻ ഇസക്കുട്ടൻ, ​ഗംഭീര ഡാൻസ്; വിഡിയോ വൈറൽ

മലയാളത്തിലെ ഏറ്റവും മികച്ച ഡാൻസറാണ് കുഞ്ചാക്കോ ബോബൻ. ചടുലമായ നൃത്തം കൊണ്ട് ചാക്കോച്ചൻ മലയാളികളുടെ ഹൃദയം കവരാൻ തുടങ്ങിയിട്ട് കാലമേറെയായി. ഇപ്പോൾ താരത്തിന് ഒരു എതിരാളി എത്തിയിരിക്കുകയാണ്. ഇസക്കുട്ടനാണ് അച്ഛനെ ഡാൻസ് ചെയ്ത് തോൽപ്പിക്കാൻ ഒരുങ്ങി ഇറങ്ങിയിരിക്കുന്നത്. ഇസയ്ക്കൊപ്പമുള്ള കുഞ്ചാക്കോ ബോബന്റെ ഡാൻസാണ് ഇപ്പോൾ ആരാധകരുടെ മനം കവരുന്നത്. 

ഇന്റർനാഷണൽ ഡാൻസ് ഡേ ആശംസിച്ചുകൊണ്ടാണ് കുഞ്ചോക്കോ ബോബൻ ഡാൻസ് വിഡിയോ സോഷ്യൽ മീഡിയയിൽ പങ്കുവച്ചത്. ഇസയുടെ  നാലാം പിറന്നാളിന് പകർത്തിയതാണ് വിഡിയോ. നിരവധി പേരാണ് പോസ്റ്റിനു താഴെ കമന്റുമായി എത്തിയിരിക്കുന്നത്. ആരാധകരുടെ ശ്രദ്ധ മുഴുവൻ ഇസക്കുട്ടന്റെ മേലെ തന്നെയാണ്. 

ലിറ്റില്‍ സ്റ്റാര്‍ എന്നായിരുന്നു ദര്‍ശന രാജേന്ദ്രന്റെ കമന്റ്. രമേഷ് പിഷാരടി, സാനിയ അയ്യപ്പന്‍, അഹാന കൃഷ്ണ, ദീപ്തി സതി തുടങ്ങിയ നിരവധി താരങ്ങളാണ് കമന്റുമായി എത്തിയത്. ആരാധകരുടെ പ്രതികരണം രസകരമായിരുന്നു. മത്തന്‍ കുത്തിയാല്‍ കുമ്പളം മുളക്കുമോ എന്നാണ് അവര്‍ ചോദിക്കുന്നത്. ഇച്ചായന് ഡാന്‍സില്‍ ഭീഷണിക്ക് ആളായി എന്നാണ് മറ്റൊരാള്‍ കുറിച്ചത്.

ഈ വാര്‍ത്ത കൂടി വായിക്കൂ 

'ഒരുപാട് തവണ മകളെ നഷ്ടപ്പെടുന്നതിന്റെ വക്കോളമെത്തി, അവളുടെ സന്തോഷമാണ് എന്റെ ലക്ഷ്യം'; പ്രിയങ്ക ചോപ്ര

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ