കടുവയ്ക്കൊപ്പം ക്യാറ്റ് വാക്ക്, ആരാധകരെ ഞെട്ടിച്ച് പൂജിത മേനോന്റെ വിഡിയോ; വൈറൽ

കടുവയ്ക്കൊപ്പമുള്ള വിഡിയോ പങ്കുവച്ച് നടി പൂജിത മേനോൻ. ഇൻസ്റ്റ​ഗ്രാമിലൂടെയാണ് താരം ഞെട്ടിക്കുന്ന വിഡിയോ പോസ്റ്റ് ചെയ്തത്. കടുവയുടെ ചങ്ങലയിൽ പിടിച്ചുകൊണ്ട് കൂളായി നടന്നു പോവുന്ന പൂജിതയെ ആണ് വിഡിയോയിൽ കാണുന്നത്. 

ക്യാറ്റ് വോക് വിത്ത് ദ് ബിഗ് ക്യാറ്റ്, എന്തൊരു അനുഭവമായിരുന്നു അത്. ഹൃദയമിടിപ്പ് നിയന്ത്രിച്ചുകൊണ്ട് ഇത്ര കംഫർട്ടബിളായി കടുവയ്ക്കൊപ്പം നടക്കാനാവുമെന്ന് ഒരിക്കലും കരുതിയിരുന്നില്ല. എന്റെ ഭയത്തെ നേരിടാൻ ധൈര്യം തന്നതിന് ഹാഷിമിന് നന്ദി. നിങ്ങളുടെ പ്രചോദനമില്ലെങ്കില്‍ ഇത് സാധ്യമാകുമായിരുന്നില്ല.- എന്ന കുറിപ്പിലാണ് പൂജിതയുടെ വിഡിയോ. 

ബാങ്കോക്കിലെ പട്ടായയിൽ അവധി ആഘോഷത്തിലാണ് പൂജിത മേനോൻ. അവധി ആഘോഷത്തിൽ നിന്നുള്ള നിരവധി വിഡിയോകളും ചിത്രങ്ങളുമാണ് പൂജിത സോഷ്യൽ മീഡിയയിൽ പങ്കുവച്ചിരിക്കുന്നത്. കൂട്ടത്തിൽ കടുവയ്ക്കൊപ്പമുള്ള നടത്തം തന്നെയാണ് ആരാധകർ ഏറ്റെടുത്തത്. പൂജിതയുടെ ധൈര്യത്തെ പ്രശംസിച്ചുകൊണ്ട് നിരവധി പേരാണ് എത്തിയത്. പുലിക്ക് അറിയില്ല സെലിബ്രിറ്റി ആണെന്ന്- എന്നായിരുന്നു ഒരാളുടെ കമന്റ്. 

‘നീ കൊ ഞാൻ ചാ’ എന്ന സിനിമയിൽ നായികയായാണ് സിനിമയിലേക്ക് എത്തുന്നത്. തുടർന്ന് അരികിൽ ഒരാൾ, ഓം ശാന്തി ഓശാന എന്നിവയുൾപ്പെടെ പതിനഞ്ചോളം സിനിമകളിൽ അഭിനയിച്ചു. ടെലിവിഷൻ മേഖലയിലും സജീവമാണ് പൂജിത. 

ഈ വാര്‍ത്ത കൂടി വായിക്കൂ 

'ഒരു പ്ലേറ്റ് നേരത്തെ കഴിച്ചതാ, ഇത് സെക്കന്റ് റൗണ്ട്': മന്തി വിഡിയോയുമായി നവ്യ നായര്‍, കൊതിപ്പിച്ചു കളഞ്ഞെന്ന് ആരാധകര്‍​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ