'ചെരുപ്പിട്ടവർ പുറത്തു പോകണം, കുറച്ച് ബഹുമാനം കാണിക്കൂ, ഇതൊരു പൂജയാണ്'; രോഷാകുലയായി കജോൾ

രാജ്യമെങ്ങും നവരാത്രി ആഘോഷങ്ങളുടെ തിരക്കിലാണ്. എല്ലാ വർഷവും മുംബൈയിൽ കജോളും റാണി മുഖർജിയും ചേർന്ന് ദുർഗാ പൂജ സംഘടിപ്പിക്കാറുണ്ട്. നിരവധി ബോളിവുഡ് താരങ്ങളും ചടങ്ങിൽ പങ്കെടുക്കാറുണ്ട്. പതിവുപോലെ ഈ വർഷവും നടിമാർ ദുർ​ഗാ പൂജ ചടങ്ങ് നടത്തിയിരുന്നു. ഇന്ന് നടന്ന പരിപാടിയുടെ ചിത്രങ്ങളും വിഡിയോയുമെല്ലാം സോഷ്യൽ മീഡിയയിൽ വൈറലാകുകയാണ്.

ഇതിനിടെ ചടങ്ങിനിടെ ദേഷ്യപ്പെടുന്ന കജോളിന്റെ ഒരു വിഡിയോയും സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. പൂജ ആരംഭിച്ച് ഏതാനും നിമിഷങ്ങൾ കഴിഞ്ഞപ്പോൾ ഷൂസ് ധരിച്ച് ചിലർ ​പന്തലിൽ കയറുകയും പൂജ വിഗ്രഹത്തിന് അരികിൽ എത്തുകയും ചെയ്തു. ഇക്കൂട്ടത്തിൽ ദൃശ്യങ്ങൾ പകർത്താനെത്തിയ ഫോട്ടോ​ഗ്രാഫർമാരും ഉണ്ടായിരുന്നു. ഇതുകണ്ട കജോൾ പെട്ടെന്ന് ദേഷ്യപ്പെടുകയായിരുന്നു.

ജവാന് ശേഷം ഷാരൂഖിനൊപ്പം വീണ്ടും; സ്ഥിരീകരിച്ച് അനിരുദ്ധ് രവിചന്ദർ

ചെരുപ്പ് ധരിച്ചെത്തിയവരോട് പുറത്തു പോകണമെന്നും ഇതൊരു പൂജയാണെന്ന് പറയുന്നതും വിഡിയോയിൽ കാണാം. ഷൂസ് ധരിച്ചിരിക്കുന്ന എല്ലാവരും ദയവായി പുറത്തേക്ക് പോകു. ഇതൊരു പൂജയാണ്. ദയവായി കുറച്ചെങ്കിലും ബഹുമാനം കാണിക്കൂ- കജോൾ പറഞ്ഞു. ജയ ബച്ചൻ, ഇഷിത ദത്ത, ശ്വേത ബച്ചൻ, ആലിയ ഭട്ട്, അജയ് ദേവ്ഗൺ തുടങ്ങി ബോളിവുഡിലെ നിരവധി താരങ്ങൾ പൂജയിൽ പങ്കെടുത്തു.