തിരുവനന്തപുരം: മോഹന്‍ലാല്‍ ചിത്രം 'തുടരും' പോസ്റ്റര്‍ ട്രാഫിക് ബോധവത്കരണത്തിന് ഉപയോഗിച്ച് കേരള പൊലീസ്. സ്‌പ്ലെന്‍ഡര്‍ ബൈക്ക് ഓടിച്ചു പോകുന്ന മോഹന്‍ലാലിന്റെ ക്യാരക്ടര്‍ പോസ്റ്ററാണ് പൊലീസ് സംഘം ഹെല്‍മറ്റ് ധരിക്കേണ്ടതിന്റെ പ്രാധാന്യം ഓര്‍മ്മിപ്പിക്കാന്‍ ഉപയോഗിച്ചിരിക്കുന്നത്.
'തുടരാം' യാത്രകള്‍. 'ഹെല്‍മറ്റ് വച്ച ശേഷം, ഇരുചക്രവാഹനയാത്രക്കാര്‍ നിര്‍ബന്ധമായും ഹെല്‍മറ്റ് ധരിക്കണം' എന്നാണ് പോസ്റ്ററില്‍ ചെറിയ എഡിറ്റുകള്‍ വരുത്തി പൊലീസ് പങ്കുവയ്ക്കുന്ന സന്ദേശം. കേരള പൊലീസിന്റെ ഔദ്യോഗിക ഫെയ്‌സ്ബുക്ക് പേജിലാണ് പോസ്റ്റര്‍ പങ്കുവെച്ചിട്ടുള്ളത്.
മോഹന്‍ലാലിനെ നായകനാക്കി തരുണ്‍ മൂര്‍ത്തി ഒരുക്കിയ 'തുടരും' മികച്ച പ്രേക്ഷക പ്രശംസ നേടി മുന്നേറുന്നതിനിടെയാണ് ഇതേ സിനിമയുടെ പോസ്റ്റര്‍ ട്രാഫിക് നിയമങ്ങളുടെ ബോധവത്കരണത്തിന് ഉപയോഗിച്ച പൊലീസ് ബുദ്ധിക്ക് വലിയ പ്രശംസയാണ് ലഭിക്കുന്നത്. ലാലേട്ടന് പെറ്റയടിച്ചേക്കല്ല എന്നും കേസെടുക്ക് സാറെ എന്നിങ്ങനെയുള്ള പ്രതികരണങ്ങളും ഇതിനോടകം പോസ്റ്റിന് കീഴില്‍ കമന്റുകളായി എത്തിയിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
