വിവാഹവാര്‍ഷിക ദിനത്തില്‍ പ്രിയ പത്‌നിക്ക് സ്‌നേഹ ചുംബനവുമായി നടന്‍ മോഹന്‍ലാല്‍. സോഷ്യല്‍ മീഡിയയില്‍ പങ്കുവച്ച പോസ്റ്റിലാണ് ഭാര്യ സുചിത്രയ്ക്ക് മോഹന്‍ലാല്‍ വിവാഹ വാര്‍ഷിക ദിനാംശംസ നേര്‍ന്നിരിക്കുന്നത്. 'ഹാപ്പി ആനിവേഴ്‌സറി സുചി, എന്നും നിന്നോട് നന്ദിയുള്ളവന്‍, എന്നെന്നും നിന്റേത്'. എന്ന കുറിപ്പിനൊപ്പം ഭാര്യയ്ക്ക് ചുംബനം നല്‍കുന്ന ഫോട്ടോയാണ് 37-ാം വിവാഹ വാർഷിക ദിനത്തില്‍ മോഹന്‍ലാല്‍ പങ്കുവച്ചിരിക്കുന്നത്. ആരാധകരും സഹപ്രവര്‍ത്തകരുമുള്‍പ്പടെ നിരവധിപ്പേരാണ് മോഹന്‍ലാലിനും സുചിത്രയ്ക്കും ആശംസകളുമായി എത്തുന്നത്.
തുടരും എന്നാണ് ഫേസ്ബുക്കില്‍ സംവിധായകന്‍ തരുണ്‍ മൂര്‍ത്തി ഫോട്ടോയ്ക്ക് നല്‍കിയിരിക്കുന്ന കമന്റ്. മോഹന്‍ലാല്‍ തരുണ്‍ മൂര്‍ത്തി ചിത്രം തുടരും തീയറ്ററുകളില്‍ സൂപ്പര്‍ഹിറ്റായി മുന്നേറുന്നതിനിടെയാണ് തരുണ്‍ സിനിമ പേര് ആശംസയായി പങ്കുവച്ചിരിക്കുന്നത്. തുടരും തുടര്‍ന്നു കൊണ്ടേ ഇരിക്കുമെന്ന് സിനിമ താരം സന്തോഷ് കീഴാറ്റൂരും ആശംസയായി കുറിക്കുന്നു.
1988 ഏപ്രില്‍ 28ന് തിരുവനന്തപുരത്ത് വച്ചായികുന്നു ഇരുവരുടെയും വിവാഹം. പ്രശസ്ത തമിഴ് നടനും നിര്‍മാതാവായ കെ. ബാലാജിയുടെ മകളും സുരേഷ് ബാലാജിയുടെ സഹോദരിയുമാണ് സുചിത്ര.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
