ഈ പാട്ടൊന്നുമില്ലെങ്കിൽ പിന്നെ എന്ത് ആഘോഷം! മോഹൻലാൽ- എംജി ശ്രീകുമാർ കോമ്പോയിലെ വേറെ ലെവൽ പാട്ടുകൾ

മോഹൻലാലിന് വേണ്ടി എംജി ശ്രീകുമാർ പാടിയപ്പോഴെല്ലാം മലയാളികൾ അറിഞ്ഞ് ആഘോഷിച്ചിട്ടുണ്ട്. ഏത് പരിപാടിക്കും ആഘോഷമൊന്ന് കൊഴുക്കണമെങ്കിൽ ഈ കോമ്പോയുടെ ഏതെങ്കിലുമൊരു അടിപൊളി പാട്ട് കാണും. അടിച്ചുപൊളി മാത്രമല്ല ഉള്ളുലയ്ക്കുന്ന പാട്ടുകളും ഈ കോമ്പോയിൽ എത്തിയിട്ടുണ്ട്. 'എന്നോട് പാടണമെന്നോ പാടരുതെന്നോ മോഹൻലാൽ ഒരിക്കലും പറഞ്ഞിട്ടില്ല. ഞങ്ങളുടെ സൗഹൃദം വേറെയാണ്. അത് സം​ഗീതമോ അഭിനയമോ അല്ല. ഞങ്ങളുടെ സൗഹൃദം അത് സത്യസന്ധമായ ഒന്നാണ്'- എന്നാണ് എംജി ശ്രീകുമാർ ഒരിക്കൽ മോഹൻലാലിനെക്കുറിച്ച് ഒരഭിമുഖത്തിൽ പറഞ്ഞത്. മോഹൻലാൽ - എംജി ശ്രീകുമാർ കൂട്ടുകെട്ടിലെത്തിയ അടിച്ചുപൊളി പാട്ടുകളിലൂടെ.

മലയാളത്തിലെ അടിച്ചുപൊളി പാട്ടുകളുടെ ബെഞ്ച്മാർക്ക്‌ എന്ന് വേണമെങ്കിൽ പറയാവുന്ന ഒരു പാട്ടാണ് എംജി ശ്രീകുമാർ - മോഹൻലാൽ കോമ്പോയിലെത്തിയ വേൽമുരുകാ... എന്ന പാട്ട്. ​ഏത് ​ഗാനമേളയ്ക്കും ഈ പാട്ട് നിർബന്ധവുമാണ് മലയാളികൾക്ക്. കൈതപ്രം ആയിരുന്നു പാട്ടിന് വരികളൊരുക്കിയത്. ദീപക് ദേവ് ആയിരുന്നു സം​ഗീത സംവിധാനം.

'പഴനിമല മുരുകനു പള്ളി വേ..ലായുധം..

പാറിപ്പറക്കുന്ന പൊൻമയിൽ വാഹനം.....

മാർ​ഗഴിത്തിങ്കളോ ജ്ഞാനപ്പഴം..

വരിക വരിക വടിവേലാ

ഹരഹരോ.. ഹര ഹര

ഹരഹരോ ഹര...'

ഏത് ഉറക്കത്തിലും ആരായാലും ചാടി എഴുന്നേറ്റ് ഡാൻസ് കളിക്കുന്ന ഒരു ​ഗാനമാണിത്. ഇത്രയും കളർഫുളായി ചിത്രീകരിച്ച മറ്റൊരു പാട്ട് മലയാളത്തിൽ ഉണ്ടോ എന്ന് തന്നെ സംശയമാണ്. പാട്ടിലെ ജ​ഗതിയുടെ സാന്നിധ്യവും പ്രേക്ഷകർക്ക് ഏറെയിഷ്ടമാണ്. ​ഗിരീഷ് പുത്തഞ്ചേരിയുടെ വരികൾക്ക് എംജി രാധാകൃഷ്ണൻ ആയിരുന്നു സം​ഗീതം.

'ചോലമലങ്കാറ്റടിക്കണ്

ജാതിമരം പൂത്തിരിക്കണ്...

മൂപ്പാ മുറവാ...'

എംജി ശ്രീകുമാറും സുജാതയും തകർത്ത് പാടിയ പാട്ടായിരുന്നു ഇത്. മോഹൻലാലിന്റെ അടിപൊളി പെർഫോമൻസും പാട്ടിന്റെ ചേല് കൂട്ടി. ​ഗിരീഷ് പുത്തഞ്ചേരിയുടെ വരികൾക്ക് ഭരദ്വാജ് ആയിരുന്നു ഈണം നൽകിയത്.

ജോഷി സംവിധാനം ചെയ്ത് 2001 ൽ പുറത്തിറങ്ങിയ ചിത്രമായിരുന്നു പ്രജ. ചിത്രത്തിലെ ചന്ദനമണി സന്ധ്യകളുടെ... എന്ന ​ഗാനത്തിന് ഇന്നും ഒട്ടേറെ ആരാധകരാണ്. ​ഗിരീഷ് പുത്തഞ്ചേരിയാണ് ഈ മനോഹരമായ വരികൾക്ക് പിന്നിൽ. എംജി രാധാകൃഷ്ണൻ ആയിരുന്നു സംഗീതമൊരുക്കിയത്.

മോഹൻലാലിന്റെ മറ്റൊരു അസാധ്യപ്രകടനം മലയാളികൾ കണ്ട പാട്ടായിരുന്നു കാക്കകുയിലിലെ ആലാരെ ​ഗോവിന്ദ എന്ന പാട്ട്. ഈ പാട്ടിന്റെ ചിത്രീകരണ സമയത്ത് മോഹൻലാലിന് പനിയായിരുന്നു എന്ന വിവരം പിന്നീട് അണിയറപ്രവർത്തകർ പങ്കുവച്ചിരുന്നു. ​ഗിരീഷ് പുത്തഞ്ചേരിയാണ് പാട്ടിന് വരികളൊരുക്കിയത്. എംജി ശ്രീകുമാർ, സം​ഗീത, നിഖിൽ എന്നിവർ ചേർന്നായിരുന്നു ​ഗാനം ആലപിച്ചത്. ദീപൻ ചാറ്റർജി ആയിരുന്നു സം​ഗീതം.