ഓടുന്ന ബസില്‍ യുവതിയെ ചുംബിക്കുന്ന ബിജെപി നേതാവിന്റെ ദൃശ്യങ്ങള്‍ സമൂഹമാധ്യമങ്ങളില്‍ വൈറലാകുന്നു. മഹാരാഷ്ട്രയിലെ ബിജെപി നേതാവായ രവീന്ദ്ര ഭവന്താഡെയാണ് വിവാദത്തിലകപ്പെട്ടിരിക്കുന്നത്.
വീഡിയോ സമൂഹമാധ്യമങ്ങളിലൂടെ വ്യാപകമായി പ്രചരിച്ചതോടെ യുവതി ബിജെപി നേതാവിനെതിരെ പൊലീസില്‍ പരാതി നല്‍കി. തന്നെ ലൈംഗീകമായി പീഡിപ്പിച്ചെന്ന് ആരോപിച്ചാണ് യുവതി പൊലീസില്‍ പരാതി നല്‍കിയിരിക്കുന്നത്. ഇപ്പോള്‍ ഒളിവിലാണ് ഈ ബിജെപി നേതാവ്.
തന്നെ വിവാഹം കഴിക്കാം, ജോലി വാങ്ങിത്തരാം എന്നീ വാഗ്ദാനങ്ങള്‍ രവീന്ദ്ര ഭവന്താഡെ നല്‍കിയിരുന്നതായും യുവതി പറയുന്നു.
മഹാരാഷ്ട്രയിലെ ഗദ്ചിരോലി ജില്ലയില്‍ ചന്ദ്രാപൂര്‍ മേഖലയിലായിരുന്നു സംഭവം. ബസിലെ സിസിടിവിയിലെ വീഡിയോ ദൃശ്യങ്ങളാണ് സമുഹമാധ്യമങ്ങളില്‍ പടര്‍ന്നത്. ഈ സമയം ബസില്‍ മറ്റ് യാത്രക്കാരും ഉണ്ടായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
