പാട്ന: വീട്ടില് ശൗചാലയമില്ലാത്തതിനെത്തുടര്ന്ന് യുവതി പൊലീസില് പരാതി നല്കി. തന്റെ ഭര്തൃപിതാവിനെതിരെയും ഭര്ത്താവിന്റെ സഹോദരനെതിരെയുമാണ് യുവതി കേസുകൊടുത്തത്. ശൗചാലയം നിര്മ്മാക്കണമെന്ന് പിതാവില് നിന്നും ഉറപ്പ് ലഭിക്കാന് വേണ്ടിയാണ് യുവതി പരാതി നല്കിയത്. ബിഹാറിലെ മുസാഫര്പുര് ജില്ലയിലാണ് സംഭവം.
ശൗചാലയം വേണമെന്ന ആവശ്യത്തോട് അനുകൂലമായി പ്രതികരിക്കാത്തതാണ് വീട്ടിലുള്ളവര്ക്കെതിരെ പരാതി നല്കാന് യുവതി നിര്ബന്ധിതയായതെന്ന് മുസാഫര്പൂര് വനിത പൊലീസ് ഉദ്യോഗസ്ഥര് പറഞ്ഞു.
ഭര്ത്താവിന്റെ വീട്ടില് ശൗചാലയമില്ലാത്തതിനാല് തമിഴ്നാട്ടിലെ ജോലി സ്ഥലത്തു നിന്നും തിരിച്ചെത്തുമ്പോള് മാത്രമാണ് യുവതി ഭര്തൃഗ്രഹത്തില് താമസിച്ചിരുന്നത്. യുവതിയുടെ പരാതിയെ തുടര്ന്ന് ഇരുവരെയും സെപ്റ്റംബര് 26ന് സ്റ്റേഷനിലേക്ക് വിളിപ്പിച്ചിരുന്നു. വീട്ടില് ഉടന് തന്നെ ശൗചാലയം നിര്മ്മിക്കാമെന്ന് ഭര്ത്തൃപിതാവ് എഴുതി നല്കിയതോട് യുവതി പരാതി പിന്വലിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ