അലിഗഡ്: പരസ്യമായി ദളിത് യുവതിയുടെ മുഖത്തടിച്ച ബിജെപി വനിതാ നേതാവിനെതിരെ പൊലീസ് കേസെടുത്തു. പെണ്കുട്ടിയുടെ പിതാവ് നല്കിയ പരാതിയിലാണ് നടപടി. അലിഗഡില് നിന്നുള്ള ബിജെപി നേതാവ് സംഗീത വാര്ഷണേയ്ക്കെതിരെയാണ് പൊലീസ് കേസെടുത്തിട്ടുള്ളത്. അന്യമതത്തില്പ്പെട്ട യുവാവുമായുള്ള ബന്ധം ചോദ്യംചെയ്തായിരുന്നു വനിതാ നേതാവിന്റെ മര്ദ്ദനമെന്ന് പൊലീസ് പറഞ്ഞു.
പെണ്കുട്ടിയും യുവാവും അലിഗഡിലെ ചായക്കാടയില് ഒരുമിച്ചിരിക്കുന്നത് നാട്ടുകാരാണ് സംഗീത വാര്ഷ്ണേയെ അറിയിച്ചത്. തുടര്ന്ന് ആണ്കുട്ടിയെ പൊലീസും നാട്ടുകാരും ചേര്ന്ന് ഗാന്ധിപാര്ക്ക് പൊലീസ് സ്റ്റേഷനിലേക്ക് മാറ്റി. പെണ്കുട്ടിയേയും കൂട്ടി സമീപത്തെ ഐസ്ക്രീം പാര്ലറിലെത്തിയ സംഗീത കുട്ടിയോട് കാര്യങ്ങള് ചോദിച്ചറിഞ്ഞു. സംസാരത്തിനിടെ പെണ്കുട്ടിയെ സംഗീത മുഖത്തടിക്കുകയായിരുന്നു.
പെണ്കുട്ടിയെ മര്ദ്ദിക്കുന്നതിന്റെ വീഡിയോ ദൃശ്യങ്ങള് പുറത്തു വന്നിട്ടുണ്ട്. യുവാവുമായി ബന്ധം പുലര്ത്തിയ പെണ്കുട്ടിയെ സംഗീത ശകാരിക്കുന്നതും വീഡിയോയില് വ്യക്തമാണ്. പെണ്കുട്ടിയുടെ പിതാവ് ശനിയാഴ്ച നല്കിയ പരാതിയില് ബിജെപി വനിതാ നേതാവിനെതിരെ ഐപിസി 323, 504 വകുപ്പുകള് പ്രകാരം കേസ് രജിസ്റ്റര് ചെയ്തിട്ടുണ്ടെന്ന് ഗാന്ധി പാര്ക്ക് സ്റ്റേഷന് പോലീസ് ഓഫീസര് രവീന്ദ്ര കുമാര് സിംങ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
