കത്വ ബലാത്സംഗം: പ്രതികളെ പിന്തുണച്ച രണ്ട് ബിജെപി മന്ത്രിമാര്‍ രാജിവെച്ചു

ശ്രീനഗര്‍: കത്വയില്‍ എട്ടുവയസുകാരിയെ ബലാത്സംഗം ചെയ്ത് കൊന്ന കേസില്‍ പ്രതികളെ പിന്തുണച്ച രണ്ട് ബിജെപി മന്ത്രിമാര്‍ രാജിവെച്ചു. വാണിജ്യമന്ത്രിയും വനംമന്ത്രിയുമാണ് രാജിവെച്ചത്. 

പ്രതികളെ പിടികൂടിയതില്‍ പ്രതിഷേധിച്ച് മന്ത്രിമാര്‍ പ്രകടനം നടത്തിയതിനെതിരെ രാജ്യ വ്യാപകമായി വിമര്‍ശനം ഉയര്‍ന്നിരുന്നു. ബിജെപി മന്ത്രിമാരുടെ പ്രവൃത്തിയില്‍ കശ്മീരില്‍ ബിജെപിയുടെ സഖ്യകക്ഷിയായ പിഡിപിയിലും പ്രതിഷേധം പുകഞ്ഞിരുന്നു. ബിജെപിയുമായുളള സഖ്യം ഉപേക്ഷിക്കുന്നതിനെ കുറിച്ചുപോലും പിഡിപി ഗൗരവമായി ചിന്തിക്കുന്നതായുളള റിപ്പോര്‍്ട്ടുകളും പുറത്തുവന്നിരുന്നു. ഇതിന് പിന്നാലെ ഒരു കുറ്റവാളിയെയും സംരക്ഷിക്കുകയില്ലെന്ന് വ്യക്തമാക്കി പ്രധാനമന്ത്രിയുടെ നിലപാടും പുറത്തുവന്നു.ഇതിന്റെ തുടര്‍ച്ചയായാണ് രാജി.