ന​ർ​ത്ത​ക​ൻ സാ​ക്കി​ർ ഹു​സൈ​നെ ക്ഷേത്രത്തിൽനിന്ന്​ പുറത്താക്കി; 'മതം പറഞ്ഞ് തള്ളിയിറക്കി', അന്വേഷണം 

By സമകാലിക മലയാളം ഡെസ്‌ക്‌  |   Published: 12th December 2021 10:21 AM  |  

Last Updated: 12th December 2021 10:21 AM  |   A+A-   |  

Bharatanatyam_dancer_Zakir_Hussain

സാക്കിർ ഹുസൈൻ, ശ്രീ​രം​ഗ​നാ​ഥ​ സ്വാമി ക്ഷേത്രം

 

ചെ​ന്നൈ: പ്ര​ശ​സ്​​ത ഭ​ര​ത​നാ​ട്യം ന​ർ​ത്ത​ക​ൻ സാ​ക്കി​ർ ഹു​സൈ​നെ ശ്രീ​രം​ഗ​നാ​ഥ​ സ്വാമി ക്ഷേത്രത്തിൽ പ്രവേശിക്കുന്നതിൽ നിന്ന് വിലക്കിയെന്ന് ആരോപണം. കോ​വി​ലി​ൽ പ്രവേശിക്കുന്നതിൽ നിന്ന് ഒരു സംഘമാളുകൾ വിലക്കിയെന്നും ദേ​ഹോ​പ​ദ്ര​വ​മേ​ൽ​പി​ച്ചെന്നുമാണ് ആരോപണം. മതത്തിന്റെ പേരിലാണ് സാക്കിർ ഹുസൈന് ക്ഷേത്രപ്രവേശനം വിലക്കിയത്. 

മുമ്പ് പലതവണ ക്ഷേത്രത്തിൽ സന്ദർശനം നടത്തിയിട്ടുണ്ടെന്നും കോവിലിനുള്ളിൽ ഭരതനാട്യം അവതരിപ്പിച്ചിട്ടുണ്ടെന്നും ഹുസൈൻ പറഞ്ഞു. ആദ്യമായാണ് ഇങ്ങനൊരു അനുഭവമുണ്ടാകുന്നത്. രംഗരാജൻ നരസിംഹൻ എന്നയാളാണ് തന്നെ തടഞ്ഞതെന്നും മതത്തിന്റെ പേരിലാണ് പ്രശ്‌നമുണ്ടായതെന്നും അദ്ദേഹം പറഞ്ഞു. അക്ഷരാർത്ഥത്തിൽ തള്ളി പുറത്താക്കുകയായിരുന്നെന്ന് സാക്കിർ ഹുസൈൻ പറഞ്ഞു. സം​ഭ​വം വി​വാ​ദ​മാ​യ​തോ​ടെ ത​മി​ഴ്​​നാ​ട്​ ദേ​വ​സ്വം വ​കു​പ്പ്​ അ​ന്വേ​ഷ​ണ​ത്തി​ന്​ ഉ​ത്ത​ര​വി​ട്ടു.‍

മ​ർ​ദ​ന​മേ​റ്റ സാ​ക്കി​ർ ഹു​സൈ​ൻ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. പൊ​ലീ​സി​ൽ പ​രാ​തി ന​ൽ​കി. ത​മി​ഴ്​​നാ​ട്ടി​ലെ മി​ക്ക ക്ഷേ​ത്ര​ങ്ങ​ളി​ലും നൃ​ത്ത​പ​രി​പാ​ടി​ അ​വ​ത​രി​പ്പി​ച്ചി​ട്ടു​ള്ള സാക്കിർ ത​മി​ഴ്​​നാ​ട്​ സ​ർ​ക്കാ​റിന്റെ 'ക​ലൈ​മാ​മ​നി' പു​ര​സ്​​കാ​ര ജേ​താ​വാ​ണ്. ഇ​താ​ദ്യ​മാ​യാ​ണ്​ മ​ത​ത്തിന്റെ പേ​രി​ൽ മ​ർ​ദ​ന​മേ​ൽ​ക്കേ​ണ്ടി​വ​ന്ന​തെ​ന്നും ക​ടു​ത്ത മാ​ന​സി​കാ​ഘാ​ത​ത്തിലാണെ​ന്നും സാ​ക്കി​ർ ഹു​സൈ​ൻ പ​റ​ഞ്ഞു.