രോഹ്തക്: ബർമിംഗ്ഹാം കോമൺവെൽത്ത് ഗെയിംസ് ഗുസ്തിയിലെ ഇന്ത്യയുടെ വെങ്കല മെഡൽ ജേതാവ് പൂജ സിഹാഗിൻറെ ഭർത്താവ് ദുരൂഹ സാഹചര്യത്തിൽ മരിച്ച നിലയിൽ. അജയ് നന്ദലിനെയാണ് ഹരിയാനയിലെ രോഹ്തക് മേഖലയിൽ മരിച്ച നിലയിൽ കണ്ടെത്തിയത്.
പ്രദേശത്തെ മഹാറാണി കിഷോറി ജാട്ട് കന്യാ മഹാവിദ്യാലയ്ക്ക് സമീപമാണ് മൃതദേഹം കണ്ടെത്തിയത്. അജയ് നന്ദലിനൊപ്പം ഉണ്ടായിരുന്ന മറ്റ് രണ്ട് പേരുടെ നില അതീവ ഗുരുതരമാണ്. അമിത അളവിൽ ലഹരി വസ്തുക്കൾ ഉപയോഗിച്ചതാണ് മരണകാരണമെന്ന റിപ്പോർട്ടുകളുണ്ട്.
മരണത്തിൽ ദുരൂഹതയുണ്ടെന്ന് പ്രാഥമിക നിരീക്ഷണത്തിൽ തെളിഞ്ഞതായി പൊലീസ് അറിയിച്ചു. കോമൺവെൽത്ത് ഗെയിംസിൽ വനിതകളുടെ 76കിലോഗ്രാം ഫ്രീസ്റ്റൈലിലാണ് പൂജ വെങ്കലം നേടിയത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
