ബെംഗളൂരു: കാമുകിയുമൊത്തുള്ള തന്റെ സ്വകാര്യ ദൃശ്യങ്ങള്‍ അശ്ലീല വെബ്‌സൈറ്റുകളില്‍ പ്രത്യക്ഷപ്പെട്ടെന്ന പരാതിയുമായി യുവാവ്. ബെംഗളൂരുവില്‍ ബിപിഒ ജീവനക്കാരനായ 25കാരനാണ് സിറ്റി സൈബര്‍ പൊലീസില്‍ പരാതി നല്‍കിയത്. ഹോട്ടല്‍ മുറിയില്‍ താനും കാമുകിയുമായി ചിലവഴിച്ച ദൃശ്യങ്ങളാണ് പ്രചരിക്കുന്നതെന്നാണ് പരാതി.
ഓസ്റ്റിന്‍ ടൗണില്‍ താമസിക്കുന്ന പരാതിക്കാരനും കാമുകിയും കുറച്ചുനാള്‍ മുമ്പ് നഗരത്തിലെ ഒരു ഹോട്ടലില്‍ താമസിച്ചിരുന്നു. ചില അജ്ഞാതര്‍ അപ്പോഴുള്ള തങ്ങളുടെ ദൃശ്യം റെക്കോര്‍ഡ് ചെയ്ത് വിവിധ പോണ്‍ സൈറ്റുകളില്‍ അപ്ലോഡ് ചെയ്‌തെന്നാണ് പരാതി. വിഡിയോയില്‍ യുവാവിന്റെയും കാമുകിയുടെ മുഖം മറച്ചിട്ടുണ്ട്. എന്നാലും അത് താനാണെന്ന് യുവാവ് ഉറപ്പിച്ച് പറയുന്നു.
കേസ് രജിസ്റ്റര്‍ ചെയ്ത ശേഷം പൊലീസ് ഹോട്ടലിലെ ജീവനക്കാരെ ചോദ്യം ചെയ്തു. എന്നാല്‍ വിഡിയോ പല ആംഗിളുകളില്‍ നിന്ന് ഷൂട്ട് ചെയ്തതിനാല്‍ രഹസ്യമായി ചിത്രീകരിച്ചതാണോ എന്ന് പൊലീസ് സംശയിക്കുന്നുവെന്നാണ് റിപ്പോര്‍ട്ട്. എങ്കിലും കേസെടുത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
