ന്യൂഡല്ഹി: റെസലിങ് താരം ദി ഗ്രേറ്റ് ഖാലി ബിജെപിയില് ചേര്ന്നു. പഞ്ചാബ് തെരഞ്ഞെടുപ്പിന് ദിവസങ്ങള് മാത്രം ശേഷിക്കേയാണ് ഖാലി ബിജെപിയില് ചേര്ന്നത്. ഫെബ്രുവരി 20നാണ് പഞ്ചാബില് ജനവിധി.
ബിജെപിയില് ചേരുന്നതില് സന്തോഷിക്കുന്നതായി ഖാലി പറഞ്ഞു. 'രാജ്യത്തിന് വേണ്ടി ജീവിതം സമര്പ്പിച്ച പ്രധാനമന്ത്രി നരേന്ദ്രമോദിയാണ് ശരിയായ പ്രധാനമന്ത്രി. രാജ്യത്തിന്റെ വികസനത്തിന് വേണ്ടി മോദി ഭരണത്തിന്റെ ഭാഗമാകേണ്ടതല്ലേ എന്ന ചിന്തയാണ് പാര്ട്ടിയില് ചേരാന് കാരണം'- ഖാലിയുടെ വാക്കുകള് ഇങ്ങനെ.
2020ല് കേന്ദ്രത്തിന്റെ കാര്ഷിക നിയമങ്ങള്ക്കെതിരെയുള്ള കര്ഷക പ്രക്ഷോഭത്തെ ഖാലി പിന്തുണച്ചിരുന്നു. കര്ഷകരോട് ഐക്യദാര്ഢ്യം പ്രഖ്യാപിക്കാന് ജനങ്ങളോട് ഖാലി ആഹ്വാനം ചെയ്തു. 200 രൂപയ്ക്ക് വിള വാങ്ങി 200 രൂപയ്ക്ക് വില്ക്കുന്ന സ്ഥിതിവിശേഷത്തിലാണ് കര്ഷകര്. കാര്ഷിക നിയമം സാധാരണക്കാരെ ഏറെ ബാധിക്കുമെന്നുമായിരുന്നു ഖാലിയുടെ പ്രതികരണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ