ന്യൂഡല്‍ഹി: അഗ്നിപഥ് പദ്ധതി പ്രകാരമുള്ള നിയമനങ്ങളുടെ രജിസ്ട്രേഷന് ഇന്ന് തുടക്കം. വ്യോമസേനയില്‍ അഗ്നിവീറുകളെ നിയമിക്കുന്നതിനുള്ള രജിസ്ട്രേഷന് നടപടികളാണ് ഇന്ന് തുടങ്ങുക. ജൂലൈ അഞ്ച് വരെ അപേക്ഷകള്‍ നല്‍കാം.
മൂവായിരം പേര്‍ക്കാണ് ഇക്കൊല്ലം അഗ്‌നിവീറുകളായി നിയമനം നല്‍കുക. നാവികസേനയിലേക്കുള്ള രജിസ്ട്രേഷന് നടപടികള്‍ നാളെ തുടങ്ങും. അടുത്ത മാസം മുതലാണ് കരസേനയിലേക്കുള്ള രജിസ്ട്രേഷന്.
അതേസമയം അഗ്നിപഥ് പദ്ധതിക്കെതിരെ ബിഹാറില്‍ പ്രതിഷേധം പലയിടങ്ങളിലും തുടുരുകയാണ്. യുപി, ഹരിയാന സംസ്ഥാനങ്ങളില്‍ ഇന്ന് പദ്ധതിക്കെതിരെ സംയുക്ത കിസാന്‍ മോര്‍ച്ച പ്രതിഷേധം നടത്തും.
അഗ്നിപഥ് പദ്ധതിക്കെതിരെ കര്‍ഷകസമര മാതൃകയില്‍ പ്രക്ഷോഭം സംഘടിപ്പിക്കാന്‍ ഇടതുയുവജനസംഘടനകള്‍ ആലോചിക്കുന്നു. 12 ഇടത് വിദ്യാര്‍ത്ഥി യുവജന സംഘടനകളാണ് പ്രതിഷേധം സംഘടിപ്പിക്കുന്നത്. ജൂണ്‍ 29 ന് രാജ്യവ്യാപക പ്രതിഷേധം നടത്തും.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
