ശ്രീനഗര്: നടി അമ്രീന് ഭട്ടിനെ വധിച്ച കൊലപാതകികളെ സൈന്യം വെടിവെച്ചു കൊന്നു. രണ്ട് ലഷ്കര് ഇ തയ്ബ ഭീകരരെയാണ് സൈന്യം വകവരുത്തിയത്.
കശ്മീരിലെ അവന്തിപോരയില് നടന്ന ഏറ്റുമുട്ടലിലാണ് സൈന്യം ഇവരെ വധിച്ചത്.
ശ്രീനഗറില് ഒരു ലഷ്കര് ഭീകരനെയും വധിച്ചിട്ടുണ്ട്. മൂന്നു ദിവസത്തിനുള്ളില് 10 ഭീകരരെ വധിച്ചതായി കശ്മീര് പൊലീസ് അറിയിച്ചു. ഭീകരരുടെ പക്കല് നിന്നും നിരവധി ആയുധങ്ങളും സ്ഫോടക വസ്തുക്കളും കണ്ടെടുത്തു.
ഇന്നലെയാണ് ജമ്മു കശ്മീരിലെ ടെലിവിഷന് നടിയും അവതാരകയുമായ അമ്രീന് ഭട്ടിനെ ഭീകരര് കൊലപ്പെടുത്തിയത്. ബുദ്ഗാമിലെ വീടിന് വെളിയില് വെച്ചായിരുന്നു ആക്രമണം.
ഷൂട്ടിന് എന്ന് പറഞ്ഞാണ് ഭീകരര് രാത്രി വീട്ടില് എത്തിയത്. അമ്രീന് വീടിന് വെളിയിലേക്ക് ഇറങ്ങിയ സമയത്ത് ഭീകരര് നിറയൊഴിക്കുകയായിരുന്നു.
ആക്രമണത്തില് അമ്രീന് ഭട്ടിന്റെ പത്തുവയസ്സുള്ള അനന്തരവനും പരിക്കേറ്റു.
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
