പനാജി: ഗോവയില്‍ ദേശീയപാതയില്‍ ഒരു പ്രകോപനവുമില്ലാതെ കാര്‍ ചുറ്റിക കൊണ്ട് അടിച്ചുതകര്‍ത്തു. മാനസിക വെല്ലുവിളികള്‍ നേരിടുന്നയാളാണ് കാര്‍ നശിപ്പിച്ചത്.
ശനിയാഴ്ച രാവിലെ 11.45 ഓടേ ഗോവയിലെ പോര്‍വോറിമ്മിലാണ് സംഭവം. കാറുടമ വിമാനത്താവളത്തിലേക്ക് പോകുമ്പോഴാണ് ആക്രമണം ഉണ്ടായത്. ഒരു പ്രകോപനവുമില്ലാതെ ചുറ്റിക കൊണ്ട് കാര്‍ തല്ലിത്തകര്‍ക്കുകയായിരുന്നു എന്ന് റിപ്പോര്‍ട്ടുകള്‍ വ്യക്തമാക്കുന്നു.
അക്രമിയെ പൊലീസ് പിടികൂടി. മാനസിക വെല്ലുവിളികള്‍ നേരിടുന്ന ആളാണ് കാര്‍ തകര്‍ത്തതെന്ന് പൊലീസ് പറയുന്നു.
ട്രാഫിക് സിഗ്നലില്‍ വാഹനം നിര്‍ത്തിയ സമയത്തായിരുന്നു ആക്രമണം. ബൈക്കിലെത്തിയ അക്രമി, കാറിന് കുറുകെ വാഹനം നിര്‍ത്തി. തുടര്‍ന്ന് കൈയില്‍ കരുതിയിരുന്ന ചുറ്റിക ഉപയോഗിച്ച് കാര്‍ അടിച്ചുതകര്‍ക്കുകയായിരുന്നുവെന്ന് പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
