ഭോപ്പാല്‍: അപകടത്തില്‍പ്പെട്ടയാളെ ജെസിബിയില്‍ ആശുപത്രിയിലെത്തിച്ചു. ആംബുലന്‍സ് എത്താന്‍ വൈകിയതിനെത്തുടര്‍ന്നാണ് ജെസിബിയില്‍ പരിക്കേറ്റയാളെ ആശുപത്രിയില്‍ എത്തിച്ചത്.
മധ്യപ്രദേശിലെ കാത്‌നി ജില്ലയിലാണ് സംഭവം. ബൈക്ക് അപകടത്തില്‍പ്പെട്ട യുവാവിനെയാണ് ജെസിബിയില്‍ ആശുപത്രിയില്‍ കൊണ്ടുവന്നത്. അപകടം ഉണ്ടായ ഉടന്‍ തന്നെ 108 ല്‍ വിളിച്ച് ആംബുലന്‍സിന്റെ സഹായം തേടി.
എന്നാല്‍ ആംബുലന്‍സ് സര്‍വീസ് നടത്തുന്ന ഏജന്‍സി മാറിയതായി അറിയിച്ചു. സമീപ നഗരത്തില്‍ നിന്നും ആംബുലന്‍സ് എത്താന്‍ ഏറെ സമയം വൈകും. സ്ഥലത്തെ ഓട്ടോറിക്ഷക്കാരെ സമീപിച്ചപ്പോള്‍ അവര്‍ യുവാവിനെ ആശുപത്രിയില്‍ എത്തിക്കാന്‍ വിസമ്മതിച്ചു.
ഇതേത്തുടര്‍ന്നാണ് ജെസിബിയില്‍ യുവാവിനെ ആശുപത്രിയില്‍ എത്തിക്കാന്‍ തീരുമാനിച്ചതെന്ന് പഞ്ചായത്ത് അംഗവും ജെസിബി ഉടമയുമായി പുഷ്‌പേന്ദ്ര വിശ്വകര്‍മ്മ പറഞ്ഞു. പുഷ്‌പേന്ദ്രയുടെ കടയുടെ മുന്നില്‍ വെച്ചായിരുന്നു അപകടം. യുവാവിന്റെ കാലിന് ഗുരുതര പരിക്കേറ്റിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
