മുംബൈ:പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ ലാവയുടെ അഗ്നി സീരീസിലെ പുതിയ ഫോണായ അഗ്നി ഫോര്‍ നവംബര്‍ 20ന് വിപണിയില്‍ അവതരിപ്പിക്കും. മെറ്റല്‍ ഫ്രെയിമും ഇരട്ട കാമറ സജ്ജീകരണത്തോടുകൂടിയ ഗുളികയുടെ ആകൃതിയിലുള്ള കാമറ മൊഡ്യൂളുമായാണ് ഫോണ്‍ വിപണിയില്‍ എത്തുക.
ഡ്യുവല്‍ സ്പീക്കര്‍ സജ്ജീകരണവും ഫ്‌ലാറ്റ് ഡിസ്പ്ലേയുമാണ് ഫോണിന്റെ മറ്റു പ്രത്യേകതകള്‍. മീഡിയടെക് ഡൈമെന്‍സിറ്റി ചിപ്സെറ്റ് ആണ് ഫോണിന് കരുത്തുപകരുക. 120Hz പുതുക്കല്‍ നിരക്കുള്ള 6.67 ഇഞ്ച് 1.5K OLED ഡിസ്പ്ലേയുമായി ലാവ അഗ്നി 4 വിപണിയില്‍ വന്നേക്കാം. വണ്‍പ്ലസ് നോര്‍ഡ് സിഇ 5, ഇന്‍ഫിനിക്‌സ് ജിടി 30 പ്രോ എന്നിവയില്‍ കാണുന്ന ചിപ്സെറ്റ് ആയ മീഡിയടെക് ഡൈമെന്‍സിറ്റി 8350 പ്രോസസറാണ് ഫോണില്‍ പ്രതീക്ഷിക്കുന്നത്.
മാത്രമല്ല, ഫോണില്‍ യുഎഫ്എസ് 4.0 സ്റ്റോറേജും ഉണ്ടായിരിക്കാം. ഇത് മിഡ്-റേഞ്ച് സെഗ്മെന്റില്‍ ഫോണിന്റെ പ്രീമിയം സ്ഥാനം ഉറപ്പിക്കാന്‍ സഹായിക്കും.ഫോണിന് 7,000mAh ബാറ്ററിയുണ്ടാകുമെന്നും പ്രതീക്ഷിക്കുന്നു. പിന്നിലുള്ള ഡ്യുവല്‍ കാമറ സജ്ജീകരണത്തില്‍ 50MP പ്രൈമറി ഷൂട്ടറും 8MP അള്‍ട്രാ-വൈഡ് ആംഗിള്‍ ലെന്‍സും ഉണ്ടായേക്കാം. അഗ്നി 4 ന്റെ വില 25,000 ല്‍ താഴെയായിരിക്കുമെന്നാണ് പ്രതീക്ഷിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
