ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ സാംസങ്, ഗാലക്സി എഫ്70ഇ ഫൈവ് ജി ഫോണ് ഇന്ത്യയില് പുറത്തിറക്കി. എഫ് സീരീസില് പുതിയ കൂട്ടിച്ചേര്ക്കലായാണ് പുതിയ ഫോണ് അവതരിപ്പിച്ചത്. വലിയ ബാറ്ററി, ഫൈവ് ജി സ്പീഡ്, നല്ല ഭംഗിയുള്ള ഫോണ് എന്നിവ ആഗ്രഹിക്കുന്ന ബജറ്റ് ഫോണ് മോഹികളെ ലക്ഷ്യമിട്ടാണ് സാംസങ് പുതിയ ഫോണ് കൊണ്ടുവന്നത്.
ഫെബ്രുവരി 17 മുതല് ഫ്ലിപ്കാര്ട്ട് സ്റ്റോറില് നിന്നും സാംസങ്ങിന്റെ ഓണ്ലൈന് സ്റ്റോറില് നിന്നും ഫോണ് വാങ്ങാന് സാധിക്കും. മീഡിയടെക് ഡൈമെന്സിറ്റി 6300 ചിപ്പില് പ്രവര്ത്തിക്കുന്ന ഫോണില് ലെതര്-ഫിനിഷ് ബാക്ക് പാനല് ഏറെ ആകര്ഷണീയമാണെന്ന് കമ്പനി അവകാശപ്പെടുന്നു. 4 ജിബി റാമും 128 ജിബി സ്റ്റോറേജുമുള്ള അടിസ്ഥാന മോഡലിന് 12,999 രൂപയാണ് വില.6 ജിബി റാമും വേണമെങ്കില്, ഫോണ് 14,499 രൂപയ്ക്ക് ലഭ്യമാകും. ലൈംലൈറ്റ് ഗ്രീന്, സ്പോട്ട്ലൈറ്റ് ബ്ലൂ എന്നീ രണ്ട് നിറങ്ങളിലാണ് ഫോണ് വരുന്നത്. രണ്ടും വളരെ ബോള്ഡും യുവാക്കളെ ഉദ്ദേശിച്ചുള്ളതുമാണ്.
ഡിസൈനിനെക്കുറിച്ച് പറയുമ്പോള്, ലെതര്-ടെക്സ്ചര് ചെയ്ത പിന്ഭാഗവും ഗുളിക ആകൃതിയിലുള്ള കാമറ മൊഡ്യൂളും ലഭിക്കും. മുന്നില്, നേര്ത്ത ബെസലുകളുള്ള 6.7 ഇഞ്ച് ഡിസ്പ്ലേയുണ്ട്. 120Hz റിഫ്രഷ് റേറ്റ് ഉള്ള ഫോണില് സ്ക്രോളിംഗ് സ്മൂത്ത് ആണ്. കൂടാതെ, സ്ക്രീന് 800 നിറ്റ്സ് വരെ തെളിച്ചം നല്കുന്നു.
കാമറ വിഭാഗത്തില് 50MP പ്രധാന സെന്സറും പോര്ട്രെയിറ്റുകള്ക്കായി 2MP ഡെപ്ത് സെന്സറും ഉണ്ട്. മുന്വശത്ത്, ഫോണില് 8MP കാമറയുണ്ട്. ഇത് സെല്ഫികള്ക്കോ വീഡിയോ കോളുകള്ക്കോ പര്യാപ്തമാണ്. 6000mAh ബാറ്ററിയാണ് ഫോണില് ഉള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
