വേനൽക്കാലത്ത് മുട്ട കഴിക്കുന്നത് സുരക്ഷിതമോ?

പ്രോട്ടീന്റെ കലവറയാണ് മുട്ട. എന്നാൽ വേനൽചൂട് വർധിച്ചുവരുന്ന സാഹചര്യത്തിൽ മുട്ട കഴിക്കാമോ എന്ന ആശയക്കുഴപ്പം പലരിലും ഉണ്ട്. ആ ധാരണ അടിസ്ഥാനരഹിതമാണെന്ന് ആരോ​ഗ്യവിദ​ഗ്ധർ ചൂണ്ടിക്കാണിക്കുന്നു.

ഫോളെയ്റ്റ്, കോളിൻ, വിറ്റാമിൻ ഡി, വിറ്റാമിൻ ബി, അയോഡിൻ തുടങ്ങിയ വിറ്റാമിനുകളും മുട്ടിയിൽ അടങ്ങിയിട്ടുണ്ട്. ശരീരത്തിലെ കോശങ്ങളുടെ വളർച്ചയ്ക്കും മികച്ച പ്രവർത്തനങ്ങൾക്കുമൊക്കെ ഇവ ആവശ്യമാണ്.

വേനൽക്കാലത്ത് മുട്ട കഴിക്കേണ്ടതിന്റെ ആവശ്യകത

ജലാംശത്തിൻ്റെയും ഇലക്ട്രോലൈറ്റുകളുടെയും അനുപാതം: സോഡിയം, പൊട്ടാഷ്യം, ഫോസ്ഫറസ് എന്നിങ്ങനെയുള്ള ഇലക്ട്രോലൈറ്റുകളുടെ ഏറ്റവും നല്ല ഉറവിടമാണ് മുട്ട. ശരീരത്തിലെ ജലാംശം നിലനിർത്തുന്നതിന് ഇവ സഹായകരമാണ്.

ഊർജ്ജം: വേനൽക്കാലത്തെ കഠിനമായ ചൂടിൽ ശരീരത്തിന് തളർച്ച അനുഭവപ്പെടാറുണ്ട്. പോഷകങ്ങളുടെ സമ്പൂർണ്ണ കലവറയാണ് മുട്ട. അതിൽ ആവശ്യമായ എല്ല അമിനോ ആസിഡുകളും അടങ്ങിയിട്ടുണ്ട്. ഇത് കോശങ്ങുടെ വളർച്ചയ്ക്ക് സഹായിക്കുന്നു. ഇത് ദിവസം മുഴുവനും ഊർജ്ജം പ്രദാനം ചെയ്യുന്നു.

പ്രതിരോധശേഷി: വിറ്റാമിൻ എ, ഡി, ബി12, ഇരുമ്പ് എന്നിങ്ങനെ ആവശ്യമായ വിറ്റാമിനുകളും ധാതുക്കളും മുട്ടയിൽ അടങ്ങിയിട്ടുണ്ട്. ഇത് വേനൽക്കാലത്തെ പകർച്ചവ്യാധികൾ തടയുന്നു.

കണ്ണിൻ്റെ ആരോഗ്യം: സൂര്യനിൽ നിന്നും കണ്ണിനെ സംരക്ഷിക്കുന്ന ലൂട്ടെയിന്‍, സിയാക്സാന്തിൻ എന്നിവ മുട്ടയിൽ അടങ്ങിയിരിക്കുന്നു. പ്രായാധിക്യം മൂലം കണ്ണിൻ്റെ റെറ്റിനയ്ക്കുണ്ടാകുന്ന തകരാറുകളെ തടുക്കുന്നതിനും ഇത് സഹായിക്കുന്നു.