ഇത് റെഡി- ടു കുക്ക് വിഭവങ്ങളുടെ കാലം, പക്ഷെ ഇഞ്ചി ​ഗാർലിക് പേസ്റ്റിനെ സൂക്ഷിക്കണം

നാടോടുമ്പോൾ നടുവേ ഓടണം എന്നൊരു ചൊല്ലുണ്ട്.., തിരക്കുപിടിച്ചുള്ള ഓട്ടത്തിനിടെ അരയ്ക്കാനോ ഉണക്കാനോ ഒന്നിനും ആർക്കും നേരം കിട്ടിയെന്ന് വരില്ല. അത്തരക്കാർക്ക് ഏറ്റവും എളുപ്പമുള്ള വഴിയാണ് റെഡി-ടു കുക്ക് വിഭവങ്ങൾ. അരച്ചമാവും, ഹാഫ് കുക്ക്ഡ് ചപ്പാത്തിയും ഇഡിയപ്പം മിക്സുമൊക്കെ ഇതിന് ഉദ്ദാഹരണമാണ്. ഇവയൊക്കെ നമ്മു‌ടെ സമയം ലാഭിക്കുകയും ​ഗുണനിലവാരമുള്ളതുമായിരിക്കും. എന്നാൽ ചിലതിനെ ശ്രദ്ധിക്കേണ്ടതുണ്ട്.

ഇഞ്ചി​ ​ഗാർലിക്ക് പേസ്റ്റ്

മുൻപ് കറികൾക്ക് അരച്ചും അരിഞ്ഞും ചേർത്തിരുന്ന ഇഞ്ചിയും വെളുത്തുള്ളിയും പേസ്റ്റ് രൂപത്തിൽ ഇന്ന് വിപണിയിൽ സുലഭമാണ്. ഇഞ്ചിയും വെളുത്തുള്ളിയും തെലികളഞ്ഞ് അരിഞ്ഞ് സമയം കളയാതിരിക്കാൻ ഇതൊരു മികച്ച മാർ​ഗമാണെങ്കിലും ആരോ​ഗ്യത്തിന് അത്ര സുരക്ഷിതമല്ലെന്ന് വിദ​ഗ്ധർ മുന്നറിയിപ്പ് നൽകുന്നു.

ഇത് പ്രിസർവേറ്റീവുകളും, അസിറ്റീവുകളും മറ്റ് രാസവസ്തുക്കളും ചേർത്താണ് പ്രീസർവേവ് ചെയ്തിരിക്കുന്നത്. കൂടാതെ ജിഞ്ചർ ഗാർളിക് പേസ്റ്റിൽ സിട്രിക് ആസിഡും, സാന്തം ഗമ്മും സിന്തറ്റിക് ഫുഡ് കളറുകളുമാണ് ചേർക്കുക.

മിതമായ അളവ് പ്രശ്നമല്ലെങ്കിൽ ദീർഘകാല ഉപയോ​ഗം ആരോ​ഗ്യപ്രശ്നങ്ങൾ ഉണ്ടാക്കാം. പ്രത്യേകിച്ച്, സെൻസിറ്റീവായ വയറും കുടലുമൊക്കെയുള്ളവർക്ക്. അതുകൊണ്ടു തന്നെ പരമാവധി പാക്ക്ഡ് പേസ്റ്റുകൾ ഒഴിവാക്കുക. കഴിയുന്നതും വീട്ടിൽ തന്നെ തയ്യാറാക്കാൻ ശ്രമിക്കുക.