കുറഞ്ഞാൽ രുചിയുണ്ടാകില്ല, കൂടിയാൽ കാൻസർ; ഉപ്പ് എത്ര ഉപയോ​ഗിക്കണം

ഉപ്പില്ലെങ്കിൽ കറികൾക്ക് രുചിയുണ്ടാകില്ല, കൂടിപ്പോയാലോ കാൻസറിന് വരെ കാരണമാകാമെന്നാണ് പഠനങ്ങൾ ചൂണ്ടിക്കാണിക്കുന്നത്. ഉയർന്ന അളവിലുള്ള ഉപ്പിന്റെ ഉപഭോ​ഗം സ്ഥിരമായി കഴിച്ചാൽ ആമാശയ പാളിയെ നശിപ്പിക്കുകയും ഹെലിക്കോബാക്റ്റർ പൈലോറി (എച്ച്. പൈലോറി) എന്ന ബാക്ടീരിയയുടെ വളർച്ചയെ പ്രോത്സാഹിപ്പിക്കുകയും ഇത് വയറ്റിലെ കാൻസറിനുള്ള സാധ്യത വർധിപ്പിക്കുമെന്നും വിദ​ഗ്ധർ പറയുന്നു. ജനിതമായി കാന്‍സര്‍ സാധ്യതയുള്ളവരോ നിലവില്‍ ദഹന പ്രശ്നങ്ങൾ ഉള്ളവരിലും അമിതമായി ഉപ്പ് കഴിക്കുന്നത് രോഗസാധ്യത ഇരട്ടിയാക്കും.

ലോകാരോ​ഗ്യ സംഘടനയുടെ കണക്ക് പ്രകാരം പ്ര​തി​ദി​നം ഒ​രാ​ൾ​ക്ക് ഉ​പ​യോ​ഗി​ക്കാ​വു​ന്ന പ​ര​മാ​വ​ധി ഉ​പ്പി​ന്റെ അ​ള​വ് അ​ഞ്ച് ഗ്രാം ​ആ​ണ്. എ​ന്നു​വെ​ച്ചാ​ൽ, ര​ണ്ട് ഗ്രാം ​സോ​ഡി​യം (ഉ​പ്പ് എ​ന്ന​ത് 20 ശ​ത​മാ​നം സോ​ഡി​യ​വും ബാ​ക്കി ക്ലോ​റൈ​ഡു​മാ​ണ്). അ​മേ​രി​ക്ക​ൻ ഹാ​ർ​ട് അ​സോ​സി​യേ​ഷ​ൻ പ​റ​യു​ന്ന​ത്, പ്ര​തി​ദി​നം 1.5 ​ഗ്രാം ​സോ​ഡി​യം മ​തി​യെ​ന്നാ​ണ്. എന്നാൽ ആ​ഗോ​ള​ത​ല​ത്തി​ൽ പ്ര​തി​ദി​നം ഒ​രാ​ൾ ശ​രാ​ശ​രി 9-12 ഗ്രാം ​ഉ​പ്പ് ഉ​പ​യോ​ഗി​ക്കു​ന്നു​ണ്ട്.

എങ്ങനെയാണ് ഉപ്പ് നേരിട്ട് ആമാശയത്തെ ബാധിക്കുന്നത്

• ആമാശയ പാളിയിൽ പ്രകോപനം ഉണ്ടാകാം

അമിതമായ ഉപ്പ് ഉപഭോ​ഗം ആമാശയത്തിലം സംരക്ഷിത പാളിയെ നശിപ്പിക്കുന്നു. ഇത് കാലക്രമേണ വിട്ടുമാറാത്ത വീക്കത്തിനും കോശനാശത്തിനും കാരണമാകും. ഇത് കാൻസർ സാധ്യത വർധിപ്പിക്കും.

• എച്ച്. പൈലോറി അണുബാധ

ഉയർന്ന ഉപ്പിന്റെ ഉപഭോ​ഗം ഹെലിക്കോബാക്റ്റർ പൈലോറി എന്ന ബാക്ടീരിയയുടെ വളർച്ചയെ പ്രോത്സാഹിപ്പിക്കുന്നു. അത് അൾസറിന് കാരണമാവുകയും വയറ്റിൽ കാൻസറിലേക്ക് നയിക്കുകയും ചെയ്യാം.

• നൈട്രേറ്റുകളും നൈട്രൈറ്റുകളും

ഉപ്പിലിട്ട അച്ചാർ, ഉണക്കമീൻ തുടങ്ങിയ ഭക്ഷണങ്ങളിൽ നൈട്രേറ്റുകളും നൈട്രൈറ്റുകളും അടങ്ങിയിട്ടുണ്ട്. ഇത് ആമാശയത്തിലെ ആസിഡുമായി സംയോജിക്കുകയും അർബുദകാരികളായ സംയുക്തങ്ങളായി മാറും.

• പ്രതിരോധശേഷി ദുർബലപ്പെടുത്തുന്നു

ഉപ്പ് പ്രോസ്റ്റാഗ്ലാൻഡിനുകളുടെ ഉത്പാദനം കുറയ്ക്കുന്നു. ഇത് ആമാശയ പാളിയെ ദോഷകരമായ വസ്തുക്കളിൽ നിന്ന് സംരക്ഷിക്കുന്ന സംയുക്തങ്ങളാണ്.

• ഓക്സിഡേറ്റീവ് സ്ട്രെസ്

അമിതമായ ഉപ്പിന്റെ ഉപഭോ​ഗം ആമാശയത്തിൽ ഫ്രീ റാഡിക്കലുകളെ ഉത്പാദിപ്പിക്കും. ഇത് ഡിഎൻഎ നാശത്തിലേക്ക് നയിക്കുകയും കാൻസർ മ്യൂട്ടേഷനുകൾക്കുള്ള സാധ്യത വർധിപ്പിക്കുകയും ചെയ്യും.

• കുടൽ സൂക്ഷ്മാണുക്കളെ നശിപ്പിക്കും

അമിതമായി ഉപ്പ് കഴിക്കുന്നത് കുടൽ ബാക്ടീരിയകളുടെ സന്തുലിതാവസ്ഥയെ മാറ്റിമറിച്ചേക്കാം. ഇത് ആമാശയത്തിന്റെ മൊത്തത്തിലുള്ള ആരോഗ്യത്തെ പ്രതികൂലമായി ബാധിക്കുകയും രോഗ സാധ്യത വർധിപ്പിക്കുകയും ചെയ്യും.