അടുക്കള വൃത്തിയാണെങ്കിൽ പാചകം എളുപ്പമായിരിക്കുമെന്ന് പണ്ടുള്ളവർ പറയുന്നതിൽ വലിയ കാര്യമുണ്ട്. അടുക്കളയിൽ ഏറ്റവുമധികം ഉപയോഗിക്കുന്നതും വൃത്തിയാക്കാൻ വളരെ ദുഷ്കരവുമായ ഒന്നാണ് ഗ്യാസ് സ്റ്റൗ ബർണറുകൾ. എന്നാൽ ഇനി ടെൻഷൻ വേണ്ട, വളരെ എളുപ്പത്തിൽ വീട്ടിൽ തന്നെ ബർണർ വൃത്തിയാക്കാൻ ടിപ്സ് പരിചയപ്പെടാം.
പ്രയാസമാണെന്ന് കരുതി ബർണറുകൾ വൃത്തിയാക്കാൻ മടിച്ചാൽ അവയ്ക്കിടയിൽ അഴുക്കടിയും. അത് അനാരോഗ്യകരവും അതുപോലെ സാമ്പത്തിക നഷ്ടവും ഉണ്ടാക്കും. ബർണറിൽ അടിഞ്ഞുകൂടുന്ന അഴുക്ക് തീ കത്തുന്നതിന്റെ തീവ്രത കുറയ്ക്കും. അതുകൊണ്ട് ഇടയ്ക്കിടയ്ക്ക് ബർണർ വൃത്തിയാക്കാൻ ഓർക്കണം.
കുഴിവുള്ള ഒരു സ്റ്റീല് പാത്രത്തില് അഴുക്കായ ബര്ണറുകള് ഇട്ട് ഇതിലേക്ക് ചൂടുവെള്ളവും നാരങ്ങാനീരും ചേര്ക്കണം. ഒരു പാക്കറ്റ് ഫ്രൂട്ട് സോള്ട്ട് കൂടി പൊട്ടിച്ചിട്ടതിന് ശേഷം ഒരു മണിക്കൂര് മൂടി വയ്ക്കാം. അതിനു ശേഷം പാത്രം കഴുകുന്ന ലിക്വിഡ് സോപ്പ് ഉപയോഗിച്ച് ഒരു ടൂത്ത്ബ്രഷ് കൊണ്ട് നന്നായി വൃത്തിയാക്കാം. ബര്ണറില് പറ്റിപ്പിടിച്ചിരുന്ന എണ്ണമയവും അഴുക്കുമെല്ലാം പോയി വൃത്തിയായി കിട്ടും.
ഒരു പാത്രത്തിൽ രണ്ട് ടേബിൾസ്പൂൺ ബേക്കിംഗ് സോഡയും ആവശ്യത്തിന് വെള്ളവും ചേർത്ത് പേസ്റ്റ് തയ്യാറാക്കുക. ഇത് ബർണറിൽ പുരട്ടി 10 മിനിറ്റിന് ശേഷം അല്പം വിനാഗിരി ഒഴിക്കുക. തുടർന്ന് ബ്രഷ് ഉപയോഗിച്ച് ഉരച്ചാൽ കരി എളുപ്പത്തിൽ മാറും.
ബർണർ കഴുകാൻ വളരെ ശക്തമായി സ്റ്റീൽ സ്ക്രബർ ഉപയോഗിക്കരുത്. അത് ബർണറിന്റെ ഉപരിതലത്തിന് കേടുവരുത്താം. മൃദുവായ ബ്രഷ് ഉപയോഗിക്കുന്നതാണ് നല്ലത്.
കഴുകിയ ബർണർ പൂർണമായും ഉണങ്ങിയതിന് ശേഷമേ സ്റ്റൗവിൽ തിരികെ ഘടിപ്പിക്കാവൂ. നനവുണ്ടെങ്കിൽ ഇഗ്നിഷൻ പ്രശ്നങ്ങൾ ഉണ്ടാകാം.
ബർണർ ആഴ്ചയിൽ ഒരിക്കൽ വൃത്തിയാക്കുന്നത് കറയും കരിയും കട്ടപിടിക്കുന്നത് തടയും. പിന്നീട് വൃത്തിയാക്കാനും എളുപ്പമാകും.
വൃത്തിയാക്കുന്നതിന് മുമ്പ് ഗ്യാസ് റെഗുലേറ്റർ ഓഫ് ചെയ്തിട്ടുണ്ടെന്ന് ഉറപ്പാക്കണം. സുരക്ഷയാണ് ഏറ്റവും പ്രധാന്യം.
ബ്ലീച്ചോ ശക്തമായ ആസിഡുകളോ ഉപയോഗിക്കരുത്.
നനഞ്ഞ ബർണർ നേരിട്ട് സ്റ്റൗവിൽ ഘടിപ്പിക്കരുത്.
ദ്വാരങ്ങൾ വലുതാകുന്ന രീതിയിൽ മൂർച്ചയുള്ള ഉപകരണങ്ങൾ ഉപയോഗിക്കരുത്.
ബർണർ ചൂടുള്ളപ്പോൾ വൃത്തിയാക്കാൻ ശ്രമിക്കരുത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
