വൈറ്റ് റൈസിനെ പ്രോട്ടീൻ റിച്ച് ആക്കാം, ഇങ്ങനെയൊന്ന് പരീക്ഷിച്ചു നോക്കൂ

ദിവസവും കുറഞ്ഞത് ഒരു നേരമെങ്കിലും ചോറ് കഴിക്കുന്നവരാണ് നമ്മൾ മലയാളികൾ. എന്നാൽ ആരോ​ഗ്യസംരക്ഷണത്തിന് പ്രാധാന്യം കൂടിയതോടെ വൈറ്റ് റൈസിനെക്കാൾ ബ്രൗൺ റൈസ് തിരഞ്ഞെടുക്കുന്നവരുടെ എണ്ണം കൂടി. വൈറ്റ് റൈസിനെ അപേക്ഷിച്ച് ബ്രൗൺ റൈസ് കൂടുതൽ പോഷക​ഗുണമുള്ളതാണ്. എന്നാൽ വൈറ്റ് റൈസിനെ പൂർണമായും തള്ളേണ്ടതില്ല.

കാര്‍ബോഹൈഡ്രേറ്റ്സും ഊർജ്ജവും പെട്ടെന്ന് കിട്ടാനുള്ള ഒരു മികച്ച ഉറവിടമാണ് വൈറ്റ് റൈസ്. മാത്രമല്ല, പെട്ടെന്ന് ദഹിക്കുകയും ചെയ്യും. വൈറ്റ് റൈസിന്റെ പോഷക മൂല്യം ഒന്ന് അപ്​ഗ്രേഡ് ചെയ്യാനുള്ള ട്രിക്കും കൈലി പറയുന്നു.

നന്നായി കഴുകിയ ഒരു കപ്പ് വൈറ്റ് റൈസും കുതിർത്തു വെച്ചിരുന്ന അരക്കപ്പ് പയറ് അല്ലെങ്കിൽ പരിപ്പ്, അരക്കപ്പ് ക്വിനോവ എന്നിവ ചേർത്ത് ഒന്നിച്ചു വേവിക്കാം. വേവിക്കാൻ സൗവ് ഉപയോ​ഗിക്കുന്നതിനെക്കാൾ റൈസ് കുക്കർ എടുക്കുന്നതാണ് നല്ലത്. ഇത്തരത്തിൽ അപ്​ഗ്രേഡ് ചെയ്ത വൈറ്റ് റൈസ് വിഭവത്തിൽ പ്രോട്ടീനും നാരുകളും അടങ്ങിയിട്ടുണ്ട്.

വൈറ്റ് റൈസ് ഇഷ്ടപ്പെടുന്ന നിരവധി ആളുകളുണ്ട്. പോഷകമൂല്യം കുറവാണെന്ന് കരുതി അവയെ പൂർണമായും തള്ളിക്കളയാതെ, പയറ്, ക്വിനോവ തുടങ്ങിയ ചെറിയ ചേരുവകൾ ഭക്ഷണത്തെ കൂടുതൽ തൃപ്തികരവും പോഷകസമൃദ്ധവുമാക്കാം.