വീടിനകത്തും പുറത്തും വളര്ത്താവുന്ന സ്നേക്ക് പ്ലാന്റുകള്ക്ക് ആരാധകര് ഏറെയാണ്. അധിക പരിചരണം ആവശ്യമില്ലാതെ ഭംഗിയില് വളരുന്നത് കൊണ്ടു തന്നെ ഇന്ന് ഒട്ടുമിക്ക വീടുകളിലും ഇവ ഇടം പിടിക്കുന്നുമുണ്ട്. എന്നാല് കാഴ്ചയിലെ ഭംഗിക്ക് പുറമെ സ്നേക്ക് പ്ലാൻ്റുകൾ വളര്ത്തുന്നതിന് മറ്റു ചില ഗുണങ്ങളുമുണ്ട്.
അന്തരീക്ഷണത്തിലെ പല വിഷാംശങ്ങളും വലിച്ചെടുക്കാന് കഴിവുള്ളവയാണ് സ്നേക്ക് പ്ലാന്റുകള്. അതിനാല് ഇവ വീടിനുള്ളില് വളര്ത്തുന്നത് അകത്തളത്തിലെ വായുവിന്റെ ഗുണനിലവാരം മെച്ചപ്പെടുത്താന് സഹായിക്കുന്നു.
ഗുണഫലങ്ങള് ലഭിക്കാന് ഇവ കൃത്യമായ സ്ഥാനത്ത് വളര്ത്താനും ശ്രദ്ധിക്കേണ്ടതുണ്ട്. വീട്ടിലേയ്ക്ക് സമൃദ്ധിയും ആരോഗ്യവും ഐശ്വര്യവും ആകര്ഷിക്കാനുള്ള കഴിവും സ്നേക്ക് പ്ലാന്റുകള്ക്ക് ഉണ്ടെന്നാണ് ചൈനീസ് വാസ്തു സമ്പ്രദായമായ ഫെങ് ഷൂയി പ്രകാരം പറയുന്നത്.
ഫെങ് ഷൂയി പ്രകാരം വീടിന്റെ പ്രവേശന കവാടമാണ് സ്നേക്ക് പ്ലാന്റുകള് വളര്ത്താന് ഏറ്റവും യോജിച്ച ഇടം. പ്രതികൂല ഊര്ജ്ജം വീടിനകത്തേക്ക് പ്രവേശിക്കാതെ തടയാനും ഇവയുടെ സാന്നിധ്യം സഹായിക്കും. വീടിന്റെ തെക്കുഭാഗം-കിഴക്കുഭാഗം അല്ലെങ്കില് തെക്കുകിഴക്കേ മൂല എന്നിവിടങ്ങളാണ് സ്നേക്ക് പ്ലാന്റുകള് വളര്ത്താന് ഏറ്റവും ഉചിതം.
ലിവിങ് റൂമിലും, ബാത്ത്റൂമിലും, ഓഫീസ് റൂമിലും സ്നേക്ക് പ്ലാന്റുകള് വളര്ത്താന് പാടില്ല. ഫെങ് ഷൂയി പ്രകാരം പല കാരണങ്ങള് കൊണ്ട് ഇത് വിപരീതഫലം ഉണ്ടാക്കും.
ജലാംശം അധികമായി തങ്ങിനില്ക്കാത്ത രീതിയില് വേണം സ്നേക്ക് പ്ലാന്റുകള് വളര്ത്താന്. അതിന് യോജിച്ച മണ്ണ് തന്നെ തിരഞ്ഞെടുക്കണം. കോകോപീറ്റ് + മണൽ/പെർലൈറ്റ് + പോട്ടിംഗ് മിക്സ് ചേർത്ത മിശ്രിതം ഉപയോഗിക്കാം. അല്ലെങ്കില് വേഗത്തില് വേരുകള് അഴുകി പോകാന് ഇടയാകും. സ്നേക്ക് പ്ലാന്റുകള് അകത്തളത്തിലാണ് വളര്ത്തുന്നതെങ്കില് അല്പസമയം നേരിട്ടുള്ള വെളിച്ചം നല്കാന് ശ്രമിക്കുക. പുതിയ ശിഖരങ്ങള് ഉണ്ടാകുന്നതിന് ഇത് ആവശ്യമാണ്.
സ്നേക്ക് പ്ലാന്റുകള്ക്ക് പൊതുവെ കുറച്ച് വെള്ളം മതിയാകും. മാസത്തില് ഒന്നോ രണ്ടോ തവണ വെള്ളം ഒഴിക്കേണ്ട ആവശ്യമേയുള്ളൂ. വെള്ളമൊഴിക്കുന്നതിനു മുന്പ് നട്ടിരിക്കുന്ന മണ്ണ് പൂര്ണമായും ഉണങ്ങിയ നിലയിലാണെന്ന് ഉറപ്പിക്കുക. സ്നേക്ക് പ്ലാൻ്റ് വളർത്തുന്ന ചട്ടിയുടെ അടിയിൽ വെള്ളം പുറത്തേക്ക് പോകാൻ ഡ്രെയിനേജ് ദ്വാരങ്ങൾ ഉണ്ടാകണം. വെള്ളം കെട്ടിനിൽക്കുന്ന മണ്ണ് ഒഴിവാക്കുക.
ഇലകൾ വൃത്തിയാക്കുക
ഇലകളിൽ പൊടി അടിഞ്ഞുകൂടിയാൽ നനഞ്ഞ മൃദുവായ തുണി ഉപയോഗിച്ച് പതുക്കെ തുടയ്ക്കുക. ഇത് ചെടിയുടെ ഭംഗിയും ആരോഗ്യവും നിലനിർത്താൻ സഹായിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
