മഴക്കാലത്ത് പനി, ജലദോഷം, വൈറൽ അണുബാധ, ചർമരോഗങ്ങൾ എന്നിവയ്ക്കുള്ള സാധ്യത വളരെ കൂടുതലാണ്. മഴ നനയുന്നതും ഈർപ്പമുള്ള അന്തരീക്ഷനവും തണുപ്പുമൊക്കെ ആരോഗ്യത്തെ എളുപ്പത്തിൽ ബാധിക്കാം. അതുകൊണ്ട് തന്നെ പുറത്തിറങ്ങുമ്പോൾ കുടയോ റെയിൻകോട്ടോ മാത്രമല്ല, ആരോഗ്യസംരക്ഷണത്തിനായി ചില അവശ്യസാധനങ്ങളും ബാഗിൽ കരുതുന്നത് നല്ല ശീലമാണ്.
മഴക്കാലത്ത് പൊതുസ്ഥലങ്ങളിൽ രോഗാണുക്കൾ ഉണ്ടാകാനുള്ള സാധ്യത കൂടുതലായിരിക്കാം. യാത്രയ്ക്കിടയിൽ കൈകൾ വൃത്തിയാക്കാൻ ചെറിയൊരു ഹാൻഡ് സാനിറ്റൈസർ കൈവശം കരുതുക.
നനഞ്ഞ കൈകളും മുഖവും തുടയ്ക്കാനും അഴുക്ക് നീക്കം ചെയ്യാനും വെറ്റ് വൈപ്പുകളും ഡ്രൈ ടിഷ്യൂവും ഉപകാരപ്പെടും. വ്യക്തിശുചിത്വം നിലനിർത്താൻ ഇവ സഹായിക്കും.
മഴയിൽ നനഞ്ഞ മാസ്ക് വീണ്ടും ഉപയോഗിക്കുന്നത് അണുബാധയ്ക്കുള്ള സാധ്യത വർധിപ്പിക്കും. അതിനാൽ എപ്പോഴും ഒന്നോ രണ്ടോ അധിക മാസ്കുകൾ ബാഗിൽ സൂക്ഷിക്കണം.
മഴക്കാലത്തും ശരീരത്തിന് ആവശ്യമായ ജലാംശം ആവശ്യമാണ്. തിളപ്പിച്ചാറിയ കുടിവെള്ളം കൈവശം കരുതുന്നത് ദാഹം ഒഴിവാക്കാനും ആരോഗ്യസംരക്ഷണത്തിനും സഹായിക്കും.
ബാൻഡേജ്, ആന്റിസെപ്റ്റിക് ലോഷൻ, കോട്ടൺ, പ്ലാസ്റ്റർ തുടങ്ങിയവ ഉൾപ്പെടുത്തിയ ചെറിയ ഫസ്റ്റ് എയ്ഡ് കിറ്റ് ചെറിയ മുറിവുകളോ പരിക്കുകളോ ഉണ്ടായാൽ ഉടൻ ഉപയോഗിക്കാം.
പ്രമേഹം, രക്തസമ്മർദം, ആസ്ത്മ തുടങ്ങിയ ആരോഗ്യപ്രശ്നങ്ങളുള്ളവർ ദിവസേന കഴിക്കുന്ന മരുന്നുകൾ ഒരിക്കലും മറക്കരുത്. കൂടാതെ ഡോക്ടർ നിർദേശിച്ച അടിയന്തര മരുന്നുകളും കൈവശം സൂക്ഷിക്കുക.
മഴക്കാലത്ത് തൊണ്ടവേദനയും ചുമയും സാധാരണമാണ്. ചെറിയ ലോസഞ്ചുകൾ താൽക്കാലിക ആശ്വാസം നൽകാൻ സഹായിക്കും.
നനഞ്ഞ സോക്സ് ഏറെ നേരം ധരിക്കുന്നത് ഫംഗസ് അണുബാധയ്ക്കും ദുർഗന്ധത്തിനും കാരണമാകാം. അതിനാൽ ഒരു ജോഡി ഉണങ്ങിയ സോക്സ് ബാഗിൽ കരുതുന്നത് നല്ലതാണ്.
മഴക്കാലത്ത് കൊതുകുകളുടെ എണ്ണം വർധിക്കുന്നതിനാൽ കൊതുകുകടി ഒഴിവാക്കാൻ കൊതുക് പ്രതിരോധ ക്രീമോ പാച്ചോ ഉപയോഗിക്കുന്നത് നല്ലതാണ്.
വീണ്ടും മഴയിൽ നനയുന്നത് ജലദോഷത്തിനും അസ്വസ്ഥതകൾക്കും കാരണമാകാം. അതിനാൽ എളുപ്പത്തിൽ ബാഗിൽ ഒതുങ്ങുന്ന കുടയോ റെയിൻകോട്ട് കരുതുക.
നട്ട്സ്, ഡ്രൈ ഫ്രൂട്ട്സ്, എനർജി ബാർ തുടങ്ങിയ ആരോഗ്യകരമായ ലഘുഭക്ഷണങ്ങൾ കൈവശം വയ്ക്കാം. ഇത് ഊർജം നിലനിർത്താനും സഹായിക്കും.
മഴയിൽ നനഞ്ഞ വസ്ത്രങ്ങൾ, നനഞ്ഞ ഷൂസോ സോക്സോ ദീർഘനേരം ധരിക്കരുത്.
കൈകൾ ഇടയ്ക്കിടെ വൃത്തിയാക്കുക.
തിളപ്പിച്ചോ ശുദ്ധീകരിച്ചതോ ആയ വെള്ളം മാത്രം കുടിക്കാൻ ശ്രമിക്കുക.
പനി, ചുമ, ശരീരവേദന തുടങ്ങിയ ലക്ഷണങ്ങൾ തുടരുകയാണെങ്കിൽ സ്വയം മരുന്ന് കഴിക്കുന്നതിനുപകരം ഡോക്ടറെ സമീപിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
