വിരിഞ്ഞു നിൽക്കുന്ന സൂര്യകാന്തി പാടത്തിന് നടുവിൽ നിന്ന് ഫോട്ടോയെടുക്കുന്നത് എത്ര മനോഹരമായിരിക്കും. എന്നാൽ പൂക്കൾക്കിടയിൽ നിന്നും ആളുകൾ നഗ്ന ചിത്രങ്ങൾ എടുക്കാൻ തുടങ്ങിയതോടെ കുരുക്കിൽ പെട്ടിരിക്കുകയാണ് ഇംഗ്ലണ്ടിലെ ഒരു കർഷകൻ. സാം വിൽസണിന്റെ ഉടമസ്ഥതയിലുള്ള സ്റ്റോക്ക് ഫ്രൂട്ട് ഫാമിൽ സൂര്യകാന്തി പൂത്തതോടെ ഫോട്ടോയെടുക്കാൻ വരുന്നവരുടെ എണ്ണവും കൂടി.
എന്നാൽ തിരക്കല്ല സാമിന്റെ പ്രശ്‌നം, പാടത്തിനുള്ളിൽ ആളുകൾ നഗ്ന ചിത്രങ്ങൾ എടുക്കുന്നതാണ് പ്രശ്‌നം. ആളുകളുടെ ഇത്തരം പ്രവൃത്തികൾക്കൊണ്ട് തനിക്ക് പരാതികളുടെ പെരുമഴയാണെന്നാണ് കർഷകൻ പറയുന്നത്. പാടത്ത് എന്താണ് നടക്കുന്നതെന്ന് അറിയാൻ കുട്ടികളുടെ ഒളിഞ്ഞുനോട്ടം കൂടിവന്നതോടെ പാടത്ത് 'പൊതുനഗ്നത പാടില്ലെ'ന്ന ബോര്‍ഡും ഉടമ സ്ഥാപിച്ചു.
ഓഗസ്റ്റ് ആദ്യം സാം വിൽസൺ ഫെയ്‌സ്ബുക്കില്‍ എഴുതിയ കുറിപ്പ് വലിയ തോതില്‍ സോഷ്യല്‍മീഡിയയില്‍ ചര്‍ച്ചയായി. 'ഇത് ആളുകള്‍ കുടുംബമായി താമസിക്കുന്ന പ്രദേശമാണെന്ന ഓര്‍മ്മ വേണം. സൂര്യകാന്തി പാടത്ത് ഇറങ്ങുമ്പോൾ വസ്ത്രങ്ങള്‍ ധരിക്കാൻ ശ്രദ്ധിക്കുക. നഗ്ന ഫോട്ടോഷൂട്ടുകളുടെ എണ്ണം വര്‍ധിക്കുന്നതായി റിപ്പോര്‍ട്ട് ഉണ്ട്. ഞങ്ങളുടെ പൊതുയിടങ്ങളില്‍ ഇത്തരം സംഭവങ്ങള്‍ നടക്കാന്‍ പാടില്ല'- ഇങ്ങനെയായിരുന്നു അദ്ദേഹത്തിന്റെ കുറിപ്പ്. ജൂലൈ അവസാനം വരെ ഏതാണ്ട് ആറ് സംഭവങ്ങള്‍ റിപ്പോര്‍ട്ട് ചെയ്തിട്ടുണ്ടെന്നാണ് കര്‍ഷകൻ പറയുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
