കഴിഞ്ഞ ദിവസം റഷ്യ-പോര്ച്ചുഗല് കോണ്ഫഡറേഷന് കപ്പ് മത്സരത്തില് ഗോളിനേക്കാള് മനോഹരമായ ഒരു കാഴ്ചയെ കുറിച്ചാണ് ഫുട്ബോള് ലോകം ചര്ച്ച ചെയ്യുന്നത്. പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോ നയിച്ച പോര്ച്ചുഗല് ഒരു ഗോൡന് റഷ്യയെ തോല്പ്പിച്ചതൊന്നും സോഷ്യല് മീഡയയ്ക്ക് വിഷയമല്ല.
പിന്നെ എന്താണ് സോഷ്യല് മീഡിയയില് നടന്ന ചര്ച്ച. താരങ്ങള് ഗ്രൗണ്ടിലേക്ക് വരുമ്പോള് പോര്ച്ചുഗീസ് ക്യാപ്റ്റന് ക്രിസ്റ്റാനോ റൊണാള്ഡോയുടെ കൈപിടിച്ചത് വീല്ച്ചെയറില് ഇരിക്കുന്ന ഒരു കുട്ടിയായിരുന്നു. ഫിഫ കോണ്ഫെഡറേഷന് കപ്പ് ടൂര്ണമെന്റ് വളണ്ടിയറായ റഷ്യക്കാരിയുടെ പത്തുവയസുകാരി മകള് പൊളീന ഹെര്ഡിലോവ.
വാംഅപ്പ് കഴിഞ്ഞു ഡ്രസിങ് റൂമിലേക്ക് പോകും വഴിയാണ് റൊണാള്ഡോയുടെ കണ്ണില് പൊളീന പെട്ടത്. ഉടനെ തന്നെ കുട്ടിയുടെ അടുത്ത് ചെന്ന് സംസാരിക്കുകയും അവള് താല്പര്യം പ്രകടിപ്പിച്ചതോടെയാണ് റൊണാള്ഡോയുടെ ഗോളിനെക്കാള് മനോഹരമായ നിമിഷം.
തന്റെ ഓവര്കോട്ട് കുട്ടിക്ക് സമ്മാനിക്കുന്നതിനോടൊപ്പം അവളുടെ നെറ്റിയില് ചുംബനം നല്കാനും റൊണാള്ഡോ മറന്നില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ