അഡ്‌ലെയ്ഡില്‍ രണ്ടാം ഇന്നിങ്‌സ് ഇന്ത്യ 36 റണ്‍സിന് അവസാനിപ്പിച്ചതിന്റെ ഞെട്ടലിലാണ് ക്രിക്കറ്റ് ലോകം. ഒരു ഇന്ത്യന്‍ ബാറ്റ്‌സ്മാന്‍ പോലും അവിടെ രണ്ടക്കം കണ്ടെത്തിയില്ല. ഈ സമയം ഇന്ത്യന്‍ ബാറ്റ്‌സ്മാന്മാരുടെ സ്‌കോര്‍ എടുത്തിട്ട് ട്രോളുകയാണ് ഇന്ത്യന്‍ മുന്‍ താരം വീരേന്ദര്‍ സെവാഗ്.
മറക്കാനുള്ള ഓടിപി 49204084041 എന്ന് പറഞ്ഞാണ് സെവാഗിന്റെ ട്വീറ്റ്. ഇന്ത്യയുടെ 11 കളിക്കാര്‍ അഡ്‌ലെയ്ഡിലെ രണ്ടാം ഇന്നിങ്‌സില്‍ കണ്ടെത്തിയ സ്‌കോറാണ് ഇത്. 9 റണ്‍സ് നേടിയ മായങ്ക് അഗര്‍വാളാണ് ഇന്ത്യയുടെ ടോപ് സ്‌കോറര്‍. എട്ട് റണ്‍സ് നേടിയ ഹനുമാ വിഹാരിയും മായങ്കുമല്ലാതെ മറ്റൊരു ഇന്ത്യന്‍ താരവും സ്‌കോര്‍ അഞ്ച് റണ്‍സിന് മുകളിലേക്ക് എത്തിച്ചില്ല.
എട്ട് റണ്‍സ് മാത്രം വഴങ്ങിയാണ് ഹെയ്‌സല്‍വുഡ് അഞ്ച് വിക്കറ്റ് പിഴുതത്. കമിന്‍സ് നാല് വിക്കറ്റും വീഴ്ത്തി. ടെസ്റ്റ് ചരിത്രത്തിലെ നാലാമത്തെ കുറഞ്ഞ ടോട്ടലാണ് ഇന്ത്യ അഡ്‌ലെയ്ഡില്‍ കുറിച്ചത്. ഇതിന് മുന്‍പ് 42 റണ്‍സ് ആയിരുന്നു ഇന്ത്യയുടെ കുറഞ്ഞ സ്‌കോര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
